CNA ၊ မြတ်သူ။
ဒေါက်တာအေးမောင်ရဲ့ AFP ပါတီအပါအဝင် နိုင်ငံရေးပါတီတွေက စစ်ကောင်စီအနေ နဲ့ စစ်မှုထမ်း အရေအတွက်ကိုတိုးမြှင့်ခေါ်ယူဖို့ကို တိုက်တွန်းအကြံပြုပေးခဲ့တယ်လို့ စစ်ကောင်စီလက်အောက်ခံ မီဒီယာကနေတဆင့်ထုတ်ပြန်ပြောဆိုလာပါတယ်။
ဒီလို အကြံပြုတိုက်တွန်းချက်ကို ပြီးခဲ့တဲ့ ဇန်နဝါရီလ ၂၄ ရက်နေ့က ပြုလုပ်ခဲ့တဲ့ စစ်ကောင်စီရဲ့ ငြိမ်းချမ်းရေးဖော်ဆောင်မှု ကော်မတီနှင့် နိုင်ငံရေးပါတီများအစုအဖွဲ့တို့ တွေ့ဆုံဆွေးနွေးတဲ့ နေရာတွေမှာ ဒေါက်တာအေးမောင်ရဲ့ AFP ပါတီအပါအဝင် နိုင်ငံရေးပါတီတွေက အခုလို တိုက်တွန်း ပြောဆိုခဲ့တာ ဖြစ်တယ်လို့ ဆိုထားပါတယ်။
ဒါ့အပြင် အဲဒီဆွေးနွေးပွဲကို စစ်ခေါင်းဆောင် မင်းအောင်လှိုင် ဒုဗိုလ်ချုပ်ကြီး ထွန်းထွန်းနောင် နဲ့ နိုင်ငံရေး ပါတီတွေ ဖြစ်ကြတဲ့ဒေါက် တာအေးမောင်ရဲ့ AFP ပါတီအပါအဝင် ပြည်သူ့ပါတီဥက္ကဌ ကိုကိုကြီး နဲ့ အလုပ်အဖွဲ့ ကိုယ်စားလှယ်တွေ တက်ရောက်ခဲ့ကြတယ်လို့ ဆိုပါတယ်။
ဒီလို ပြည်သူအခြေပြုထားတဲ့ ပါတီတွေက ပြည်သူလိုလားမှုမရှိတဲ့ စစ်မှုထမ်း ကိစ္စကိုပါ လူဦးရေး တိုးကောက်ဖို့ ပြောဆိုလာတဲ့ အပေါ်မှာ ရခိုင်က လွတ်တော်ကိုယ်စလှယ်လောင်း တစ်ဦးပြောတာက “နိုင်ငံရေးပါတီက အခုလိုနေရာတွေကို ပြောနေတယ်ဆိုတော့ သူတို့သားသမီးကိုပါအရင်စစ်မူ့ထမ်းခိုင်းသင့်တယ်လို့မြင်တယ်။ သူတို့စံပြလုပ်ပြမှနောက်လူတွေလည်းသူတို့သားသမီးတောင်စစ်မူ့ထမ်းခိုင်းတယ် သူတို့လိုသားသမီးတွေတောင်လုပ်သေးရင်ငါတို့လည်းလုပ်ရမှာပေါ့ဆိုပြီးဖြစ်လာမှာ အဲလိုမှမဟုတ်ရင်တော့သူများသားသမီးအသက်ကိုရင်းပြီးတော့ ကိုယ် အာဏာ ရဖို့ကို မလုပ်စေချင်ဘူး ။ ဒီလူတွေက အာဏာလိုချင်ကြတဲ့သူတွေဘဲဖြစ်တယ်။ပေါ့ တပ်မတော်နဲ့ပါတီတွေရဲ့ထိပ်ပိုင်းခေါင်းဆောင်သားသမီးတွေကစံပြအနေနဲ့အရင်စစ်မူ့ထမ်းသင့်တယ်လို့ မြင်မိတယ်လို့”ဆိုပါတယ်။
ဒါ့အပြင် အာဏာသိမ်းပြီးနောက်ပိုင်းမှာ ပေါ်ပေါက်လာတဲ့ ပြည်သူ့ကာကွယ်ရေးတပ် PDF တွေကိုလည်း နိုင်ငံတော်ရင်ခွင့်ကိုပြန် လည်ဝင်ရောက်လာရေးကိုလည်း စစ်ကောင်စီ နဲ့ နိုင်ငံရေးပါတီတွေက ဆွေးနွေးခဲ့ကြသလို တွေ့ဆုံဆွေးနွေးချက်မျာတွေကိုလည်းစစ်ကောင်စီနဲ့ နိုင်ငံရေးပါတီအစုအဖွဲ့တွေ အနေ နဲ့ အတည်ပြုလက်မှတ်ရေးထိုးနိုင်ခဲ့တယ်လို့လည်း ဆိုထားပါတယ်။
