စစ်ကောင်စီက ဝင်ရောက်မီးရှို့ဖျက်ဆီးခဲ့တဲ့ တအာင်းပြည်၊ တပ်မဟာ (၂)နယ်မြေ၊ နောင်ချိုမြို့အတွင်းက အုမ္မတီးကျေးရွာ မှာ ဒေသခံပြည်သူ နေအိမ် ၂၀ ခန့် မီးလောင်ပျက်စီးခဲ့ရတယ်လို့ TNLA ကသတင်းထုတ်ပြန်ပါတယ်။
စစ်ကောင်စီတပ်တွေဟာအဲဒီ အုမ္မတီးကျေးရွာ ကို ပြီးခဲ့တဲ့ ၂၀၂၄ ခုနှစ် ဒီဇင်ဘာလ ၂၉ ရက်နေ့မှာ တစ်ကြိမ်၊အခု၂၀၂၅ခုနှစ် ဇန်နဝါရီ လ ၁၉ ရက်နေ့မှာ တစ်ကြိမ်နဲ့ မေန့က ဇန်နဝါရီလ ၂၆ ရက် နေ့ ညနေ (၅း၃၀)အချိန်တွင် တစ်ကြိမ်နဲ့ စုစုပေါင်း (၃)ကြိမ်ထိ လာရောက်မီးရှိဖျက်ဆီး ခံခဲ့ရပြီး ဖြစ်တယ်လို့ ဆိုပါတယ်။
စစ်ကောင်စီတပ်တွေဟာ PSLF/TNLA ထိန်းချုပ်ထားတဲ့နေရာတွေကို နေ့စဉ်ရက်ဆက်လေကြောင်းက ဗုံးကြဲတိုက်ခိုက်တာတွေ လုပ်ဆောင်နေတဲ့ အတွက် တဖက်မှာလည်း အပြစ်မဲ့ပြည်သူတွေဟာ ထိခိုက် သေဆုံးတာတွေ ရှိနေသလို နေအိမ်အပါအဝင် ဘာသာရေး အဆောက်အဦး နဲ့ ဆေးရုံဆေးခန်းတွေလည်း များစွာ ပျက်စီးမှုတွေ ရှိနေရပါတယ်။
စစ်ကောင်စီဟာ ပြီးခဲ့တဲ့ ဇန်နဝါရီလ ၂၂ ရက်နေံကလည်း နောင်ချိုမြို ရဲစခန်းနဲ့ ပါရမီလက်ဖက်ရည်ဆိုင်ကို လေကြောင်းက ဂျက်ဖိုက်တာနဲ့ ဗုံးကြဲတိုက်ခိုက်ခဲ့တဲ့ အတွက် ဒေသခံ (၈)ဦး သေဆုံးခဲ့ရသလို အရပ်သား (၁)ဦးဟာလည်း ထိခိုက်ဒဏ်ရာရရှိခဲ့ရပါတယ်။
စစ်ကောင်စီက အဲဒီလို လေကြောင်းတိုက်ခိုက်ခဲ့တဲ့နေရာတွေဟာ တိုက်ပွဲတစ်စုံတရာ ဖြစ်ပွါးခြင်းမရှိတဲ့နေရာတွေ ဖြစ်ပြီးတော့အရပ် သားတွေကို ရည်ရွယ်ချက်ရှိရှိ နဲ့ ဦးတည် ဗုံးကြဲတိုက်ခိုက်တာတွေကို လုပ်ဆောင်နေတာ ဖြစ်တယ်လို့ TNLA ကဆိုပါတယ်။
အဲဒါကြောင့် မိဘပြည်သူတွေ အနေနဲ့ စစ်ကောင်စီရဲ့ လေကြောင်းဗုံးကြဲတိုက်ခိုက်မှုကို ရှောင်ရှားနိုင်ဖို့အတွက်၊ စစ်ရေးသတိအမြဲရှိဖို့လိုအပ်သလို လေကြောင်းရန်ကာကွယ်ရေးဆိုင်ရာ နည်းလမ်းတွေကိုလည်း အထူးလိုက်နာဆောင်ရွက်ဖို့ကိုလည်း တိုက်တွန်းပြောဆိုထားပါတယ်။
