မနေ့က ဖေဖော်ဝါရီလ (၂၀ )ရက်နေ့ နေ့လယ် (၁) နာရီလောက်က နေ့(၂ )နာရီကျော်အတွင်း ပေါက်တောမြို့တစ်ခုလုံးကို စစ်ကောင်စီက လေကြောင်းက နေ Y-12 လေယာဥ် နဲ့ ဗုံးအလုံးရေ (၄၀) ထက်မနည်း ကြဲချတိုက်ခိုက်ခဲ့ပါတယ်။
အဲဒီလို ပေါက်တောမြို့တစ်ခုလုံးကို ဗုံးကြဲတိုက်ခိုက်ခဲ့တဲ့အတွက် အရပ်သား (၄ )ဦးသေဆုံးကာ ပြည်သူ (၁၇)ဦးထိခိုက်ဒဏ်ရာ ရရှိခဲ့ရတယ်လို့ ဒေသ သတင်းရင်မြစ်တွေကဆိုပါတယ်။
သေဆုံးသွားတဲ့ သူတွေထဲမှာတော့ ပေါက်တောမြို့နယ် ကျောက်တောင်ကျေးရွာက အသက်မပြည့်သေးတဲ့( ၅) နှစ်အရွယ်ကလေးငယ် မောင်အောင်ငြိမ်နိုင် နဲ့( ၁၂) နှစ်အရွယ် ကလေးငယ် မခိုင်ဇင်လှိုင် အပါအဝင် အသက် (၅၀ )အရွယ် ဒေါ်မလုံး နဲ့ မညှင်းကိုင်းကျေးရွာက ဒေသခံ အသက် (၂၄ )နှစ်အရွယ် ကိုကိုလင်းတို့ ဖြစ်ကြတယ်လို့ ဆိုပါတယ်။
နောက်ထပ်ဒဏ်ရာရရှိသူတွေကတော့ ပေါက်တောမြို့နယ် ကျောက်တောင်ကျေးရွာက အသက်( ၆ )နှစ်အရွယ် မပန်းအိနွယ် အပါအဝင်( ၅ )ဦး၊မညှင်းကိုင်ကျေးရွာက အသက်( ၈) နှစ်အရွယ် မောင်ဦးကိုဝင်အပါအဝင် (၄) ဦး ၊ ဆင်တက်မော်(မွတ်ဆလင်)ကျေးရွာက (၁) ဦး ဆင်တက်မော်တောတန်းရွာက (၂) ဦး၊ဆင်တက်မော်ဘော်ဒလီကျေးရွာက (၄ )ဦး နဲ့ အနောက်ရဲ ကျေး ရွာက (၂) ဦးတို့ဖြစ်ကြတယ်လို့ ဆိုပါတယ်။
အဲဒါတွေ အပြင် လေးကြောင်းဗုံးကြဲတိုက်ခိုက်မှုကြောင့် နေအိမ်အများအ ပြားလည်း ပျက်စီးသွားခဲ့ရပြီး လက်ရှိဒဏ်ရာရ လူနာတွေကိုလည်း သက် ဆိုင်ရာ တာဝန်ရှိသူတွေက ဆေးကုသပေးတာတွေ လုပ်ဆောင်ထားတယ်လို့ ဆိုပါတယ်။
ပေါက်တောမြို့ဟာ စစ်ကောင်စီလက်ထဲကနေ အာရက္ခတပ်တော် က အပြီး သတ်သိမ်းပိုက်ရရှိထားတဲ့ မြို့တစ်ခု ဖြစ်ပေမယ့် စစ်ကောင်စီဟာ ပေါက်တောမြို့ကို လက်နက်ကြီးတွေနဲ့ လှမ်းပစ်တာ လေကြောင်းတိုက်ခိုက်တာ တွေကို မကြာခဏဆိုသလို လုပ်ဆောင်ခံနေရတဲ့ မြို့တစ်မြို့လည်း ဖြစ်ပါတယ်။
