မောင်တော်မြောက်ပိုင်းမှာ ရာနဲ့ချီတဲ့ မြိုလူငယ်တွေက အာရက္ခတပ်တော်ဆီမှာ စစ်သင်တန်းတက်ရောက်ပြီး ရခိုင်ပြည်တည်ဆောက်ရေးနဲ့ ကိုယ့်ရပ်ရွာကို ကာကွယ်ရေးအတွက် လုပ်ဆောင်ကြဖို့ကို တိုက်တွန်းနိုးဆော်တာတွေကို လုပ်ဆောင်ခဲ့တယ်လို့ သိရပါတယ်။
ဒီလိုတိုက်တွန်းနိုးဆော်တာကို ပြီးခဲ့တဲ့ ဖေဖော်ဝါရီလ ၂၃ ရက်နေ့မှာ လုပ်ဆောင်ခဲ့တာဖြစ်ပြီး“ပြည်သူ့တာဝန်ကျေပွန်ဖို့ အတွက် ပြည်သူ့စစ်သင်တန်းတက်ကြမယ်၊ စည်လုံးကြမယ် တို့ညီကိုတွေ ၊ ကိုယ့်ရပ်ကိုယ့်ရွာ အေးချမ်းဖို့ နိုင်ရာတာဝန်ကို ထမ်းကြစို့” ဆိုတဲ့ ကြွေးကြော်သံတွေ နဲ့ အတူ ဆိုင်ဘုတ်တွေကိုင်ဆောင်ကာ တိုက်တွန်းနိုးဆော်ခဲ့ကြတာလည်း ဖြစ်ပါတယ်။
လက်ရှိမောင်တောဒေသဟာ စစ်ကောင်စီလက်ထဲကနေ အာရက္ခတပ်တော် အေအေက အပြီးသတ်သိမ်းပိုက်ပြီးတော့ ပြန်လည်ထူထောင်ရေး လုပ်ငန်းတွေကို စတင်လုပ်ဆောင်နေပြီးဖြစ်တဲ့ မြို့နယ်တစ်ခုလည်းဖြစ်ပါတယ်။
ဒါ့အပြင် တစ်ဖက်မှာလည်း အကြမ်းဖက်လက်နက်ကိုင်အဖွဲ့တွေ ဖြစ်ကြတဲ့ စစ်ကောင်စီ စစ်သင်တန်းပေးထားတဲ့ မွတ်ဆလင် လက်နက်ကိုင်တွေနဲ့ ARSA၊ RSO၊ ARA အပါအဝင် အကြမ်းဖက်တွေ သောင်းကျန်းနေတဲ့ နေရာတစ်ခုလည်း ဖြစ်ပါတယ်။
အပြည့်အစုံကို ရုပ်သံတွင် ကြည့်နိုင်သည်။
