မကွေးတိုင်း၊ ငဖဲမြို့နယ်အတွင်းရှိ ကာကင်းစခန်းတွေက ထွက်းပြေးလာတဲ့ စစ်ကောင်စီတပ်သား ၂၃ ဦးကို လက်နက်ခဲယမ်းတွေ နဲ့ အတူ အရှင်ဖမ်းဆီးရမိခဲ့တယ်လို့ ချင်းကာကွယ်ရေးတပ်- အရှို (CDF- Asho)က သတင်းထုတ်ပြန်ခဲ့ပါတယ်။
အဲဒီဖမ်းဆီးရမိခဲ့တဲ့သူတွေကို CDF-Asho တပ်အနေ နဲ့ နတ်ရေကန်အနီး တဝိုက်က နေရာတွေမှာ ဖေဖော်ဝါရီလ ၂၄ ရက် ကနေ ၂၆ ရက်နေ့ အထိ ၃ ရက်တာ အတွင်းမှာ ဖမ်းဆီးရမိခဲ့တာလို့လည်း ဆိုထားပါတယ်။
အဲဒီဖမ်းဆီးရမိခဲ့တဲ့ စစ်သုံးပန်း ၂၃ ဦးဆီကဘလက်နက်ငယ်( ၂၀ )လက်၊ လက်ပစ်မိုင်း ( ၁၈ )လုံး၊ EY သီး ( ၁၂ )လုံး၊ ကျည် ( ၄၀၀၀ )ကျော် နဲ့ တခြား စစ်အသုံးအဆောင်ပစ္စည်းတွေလည်း သိမ်းဆည်းရမိခဲ့တယ်လို့ဆိုပါတယ်။
အာရက္ခတပ်တော် နဲ့ ပူးပေါင်းတပ်တွေဟာလည်း စစ်ကောင်စီ ရဲ့ နတ်ရေကန် လေကြောင်းရန်ကာကွယ်ရေးတပ်စခန်း နဲ့ အဲဒီအနီးတဝိုက်က ကာကင်းစခန်း တွေကို ထိုးစစ်ဆင်တိုက်ခိုက်နေတာတွေ ရှိသလို နေမြေရှင်းလင်းရေး လုပ်ဆောင်တာတွေလည်း ရှိနေတယ်လို့ သိရပါတယ်။
တဖက်မှာလည်း နတ်ရေကန် အနီးတဝိုက်မှာ ရှိနေတဲ့ တပ်စခန်းတွေက စစ်ကောင်စီတပ်သားတွေ အနေ နဲ့လည်း တော်လှန်ရေးတပ်တွေ နဲ့ ပူးပေါင်းကာ လက်နက်ချအလင်းဝင်ဖို့ကိုလည်းCDF- Asho က သတိပေးပြောဆိုထားပါတယ်။
