စစ်ခေါင်းဆောင် မင်းအောင်လှိုင် ရုရှားနိုင်ငံကနေ တဆင့် ဘီလာရုစ်နိုင်ငံ ခရီးဆက်သွားမယ်လို စစ်ကောင်စီက သတင်းထုတ်ပြန်လာပါတယ်။
အဲဒီကို မင်းအောင်လှိုင် နဲ့ အပေါင်းအပါတွေဟာ ဘီလာရုစ်နိုင်ငံ သမ္မတ လူကညရှန်းကော့ဖိတ်ကြားမှုကြောင့်သွားရောက်မှာဖြစ်တယ်လိုဆိုထားပါတယ်။
ဒီဘီလာရုစ်နိုင်ငံခရီးစဥ်မှာလည်း သမ္မတ လူကာရှန်းကော့၊ ဘီလာရုစ်နိုင်ငံဝန်ကြီးချုပ်၊ ဘီလာရုစ် အမျိုးသား လွှတ်တော်ဥက္ကဋ္ဌ အပါ အဝင် ဘီလာရုစ်နိုင်ငံအစိုးရအဖွဲဝင်တွေ့ နဲ့ တွေဆုံကာ စီးပွားရေး၊ လုံခြုံရေးဆိုင်ရာကိစ္စတွေ နဲ့ တခြား ကဏ္ဍပေါင်းစုံကိုလည်း ပူးပေါင်းဆောင်ရွက်နိုင်ဖိုအတွက် ဆွေးနွေး သွားမှာဖြစ်တယ်လိုလည်းဆိုပါတယ်။
မင်းအောင်လှိုင် နဲ့ အပေါင်းအပါတွေဟာ ပြီးခဲ့တဲ့ မတ်လ ၃ ရက်နေ့ကတည်း ကပင် ရုရှားသမ္မ ပူတင်ရဲ့ ဖိတ်ကြားမှုကြောင့် ရုရှားနိုင်ငံကို ရောက်ရှိနေတာ ဖြစ်ပြီး ရုရှားနိုင်ငံ နဲ့ မြန်မာနိုင်တိုအကြား နှစ်ဖက်ယုံကြည်စိတ်ချစွာ ဆွေးနွေးမှုတွေနဲ့အတူ သဘောတူညီချက် ၁၀ ခု ကိုလည်း လက်မှတ်ရေးထိုးနိုင်ခဲ့တယ်လို မင်းအောင်လှိင်က မီဒီယာတွေနဲ့ တွေ့ဆုံရာမှာ ပြောကြားခဲ့ပါတယ်။
အဲဒီ သဘောတူညီချက် ၁၀ ခုထဲမှာ နျူကလီးယားစွမ်းအင်သုံး အသေးစားလျှပ်စစ်ဓာတ်အားထုတ်လုပ်တဲ့ Small Modular Reactor (SMR) တည်ဆောက်လည်ပတ်ရေးစာချုပ်နဲ့ နျူကလီးယားကို ငြိမ်းချမ်းစွာ အသုံးပြုနိုင်ရေး စာချုပ်တိုလည်းပါဝင်တယ်လို လည်း ဆိုပါတယ်။
မြန်မာနိုင်ငံအတွင်း စစ်ရေး အရှုး နဲ့ ရင်ဆိုင်နေရတဲ့ စစ်ကောင်စီဟာ တိုင်းရင်းသားလက်နက်ကိုင်တွေ နဲ့ပြည်သူတွေကို နိုင်ထက်စီးနင်းပြုနိုင်ဖို အတွက် စစ်ကောင်စီတပ်တွေ လက်ဆွဲကိုင်ထားတဲ့ ပြည်ပအားကို ပုဆိုင်ရိုး ဆိုတဲ့ဆောင်ပုဒ်ကို မေ့ဖျောက်ကာ နိုင်ငံတကာကို လှည့်ပတ်ကာ အကူအညီတွေကို ဆက်တိုက်တောင်းခံတဲ့ လုပ်ရပ်တွေကိုလုပ်ဆောင်နေတာ ဖြစ်တယ်လို နိုင်ငံရေးလေ့လာသုံးသပ်သူတွေက ဆိုကြပါတယ်။
