မြန်မာနိုင်ငံမှာ ပါတီစုံ ဒီမိုကရေစနစ်ကိုလိုချင်ရင် ရွေးကောက်ပွဲကို ပူပေါင်းပါဝင်ကြဖို့ စစ်ခေါင်းဆောင် မင်းအောင်လှိုင်က တိုက်တွန်းပြောဆိုလိုက်ပါတယ်။
ဒီပြောဆိုချက်ကို စစ်ခေါင်းဆောင်မင်အောင်လှိုင်က ရုရှား နဲ့ ဘီလာရုစ်နိုင်ငံ ခရီးစဉ်က ပြန်အလာ မတ်လ ၉ ရက်နေ့မှာ မီဒီယာတွေ နဲ့ လေယာဉ်ပေါ်မှာတွေ့ဆုံစဉ်မှာ အခုလိုပြောဆိုခဲ့တာ ဖြစ်ပါတယ်။
“ပါတီစုံဒီမိုကရေစီ ရွေးကောက်ပွဲ လုပ်မယ်လို့ ကျနော်တို့ ပြောခဲ့တာ ရှိတယ်။ ဒါကို ကျနော်တို့ ခိုင်ခိုင်မာမာ လုပ်မှာပါ။ ပါတီစုံဒီမိုကရေစီစနစ်ကို တကယ်လိုချင်လို့ရှိရင် ပူးပေါင်းဆောင်ရွက်ဖို့ပဲ လိုပါတယ် အဲဒါလုပ်မယ်ဆိုရင် ကျွန်တော်တို့နိုင်ငံ မုချအောင်မြင်ရမယ်ဗျာ ကျနော် ဒါပြောရဲပါတယ်” လို့သူကပြောပါတယ်။
စစ်ကောင်စီဟာ၂၀၂၀ ရွေးကောက်ပွဲကို အနိုင်ရခဲ့တဲ့ NLD ပါတီက ဦးဆောင်ပြီး မဲမသမာမှုကို လုပ်ဆောင်ခဲ့တယ်လို့လည်း စွပ်စွဲပြောဆိုပြီးတော့ ၂၀၂၁ ခု ဖေဖော်ဝါရီလ ၁ ရက်နေ့မှာ အရပ်သားအစိုးရကို အာဏာသိမ်းယူခဲ့တာလည်း ဖြစ်ပါတယ်။
အဲဒီနောက်မှာ စစ်ခေါင်းဆောင်မင်းလှိုင်ကို တစ်နိုင်ငံလုံးကို အာဏာသိမ်းယူမှုကို လက်မခံတဲ့ အတွက် ငြိမ်းချမ်းစွာ ကန့်ကွက် ဆန္ဒပြသူတွေကို အကြမ်းဖက်လုပ်ရပ်တွေ ဆက်တိုက်လုပ်ဆောင်ခဲ့တဲ့အတွက် ဆန္ဒပြပြည်သူအများစုဟာ လက်နက်ကိုင်တော်လှန်ရေးအထိ စစ်ကောင်စီကိုတွန်းလှန်တိုက်ခိုက်လာခဲ့တာလည်း ဖြစ်ပါတယ်။
အဲဒီလို ပြည်သူတွေ လက်နက်ကိုင်တော်လှန်လာပြီးနောက်ပိုင်းမှာ စစ်ကောင်စီဟာနယ်မြေလက်လွတ်ဆုံးရှုံးမှုတွေလည်းဆက်တိုက်ဆိုသလိုရှိလာနေခဲ့ရပါတယ်။အဲဒီလို နယ်မြေလက်လွတ် ဆုံးရှုံးမှု ရှိနေပေမယ့် စစ်ခေါင်းဆောင်မင်းအောင်လှိုင်ကတော့ မြန်မာနိုင်ငံ အတွင်းမှာ ရွေးကောက်ပွဲ လုပ်ဆောင်ပေးမယ်ဆိုပြီးတော့ ပြောဆိုနေတာဟာ ၄ နှစ်ကျော်ထိရှိလာနေပြီလည်း ဖြစ်ပါတယ်။
