အာရက္ခတပ်တော်က ရခိုင်ပြည်တွင်းကို တင်သွင်းခွင့်တားမြစ်ထားတဲ့ နိုင်ငံခြားထုတ် အရက် နဲ့ ပြည်မထုတ်အရက် ၁၇၉ ကို ခိုးယူတင်သွင်းလာတဲ့ ရခိုင်ဒေသခံ တစ်ဦးကို အာရက္ခတပ်တော်က ဖမ်းဆီးထားတယ်လို့ သိရပါတယ်။
အဲဒီလို အာရက္ခတပ်တော်က တားမြစ်ထားတဲ့ အရက်တွေကို ခိုးသွင်းလာသူကတော့ စစ်တွေမြို့နယ်၊ ချောင်းနွယ်မင်းဂံရွာသားဖြစ်တဲ့ ဦးမောင်သာညို ဆိုသူဖြစ်ပြီးတော့ သူစီးလာတဲ့ 1K- 5697 နံပါတ်ပါ အဖြူရောင်ကားပေါ်မှာ RED LABLE ပုလင်းအလုံး ၆၀ နဲ့ GRAN ပုလင်း ၁၁၉ စုစုပေါင်း အရက်ပုလင်း ၁၇၉ လုံးကို မတ်လ ၂၂ ရက်နေ့ ပလက်ဝမြို့၊ ဆမီးမြို့မ အမှတ် (၂) ရပ်ကွက်က ဌာနပေါင်းစုံ စစ်ဆေးရေးဂိတ်မှာ ဖမ်းဆီးရမိခဲ့တာဖြစ်တယ်လို့လည်း သိရပါတယ်။
လက်ရှိမှာတော့ အဲဒီတရာမဝင် အရက်တွေကို တင်ဆောင်လာခဲ့တဲ့ ဦးမောင်သာညိုဆိုတဲ့ သူကို ဆမီးမြို့ ဒီလပ်ဖွဲ့က ထုတ်ကုန်/ သွင်းကုန် ဥပဒေအရ အရေးယူဆောင်ရွက်ဖို့ လုပ်ဆောင်နေတယ်လို့လည်း ဆိုပါတယ်။
ရခိုင်က အာရက္ခတပ်တော် ထိန်းချုပ်ထားတဲ့ နေရာတွေမှာ စစ်ကောင်စီထုတ်အရက်နဲ့ နိုင်ငံခြားဖြစ်အရက်တွေကို တင်သွင်းရောင်းချတာ မလုပ်ကြဖို့ ပြီးခဲ့တဲ့ ၂၀၂၄ ခုနှစ် ဒီဇင်ဘာလကနေအာရက္ခတပ်တော် က ကန့်သတ်တားမြစ်တာတွေကို လုပ်ဆောင်ခဲ့ပါတယ်။
အဲဒီနောက်မှာတော့ ရခိုင်မှာ အာရက္ခပြည်သူ့တော်လှန်ရီးအစိုးရ အာရက္ခပြည်သူ့လုံခြုံရေး နဲ့ တရားဥပဒေစိုးမိုးရေးဌာန (DLEPS) တပ်ဖွဲ့ ဝင်တွေဟာ ရခိုင်ပြည်တွင်းမှာ နိုင်ငံခြားထုတ် အ ရက် နဲ့ ပြည်မထုတ် အရက်ဘီးယာတွေ ရောင်းချမှု ရှိ မရှိ ဆိုတာကို စစ်ဆေးမှုတွေလည်း ဆက်တိုက်လုပ်ဆောင်တာတွေလည်း ရှိနေပါတယ်။
ပုံ _- We Love Paletwa
