စောမြရာဇာလင်း ဦးဆောင်တဲ့ ရခိုင်ပြည်လွတ်မြောက်ရေးပါတီ( ALP )အဖွဲ့ က ပါတီပြန်လည်ထူထောင်ခြင်း ၃ နှစ်ပြည့် အခမ်းအနားကို ပြီးခဲ့တဲ့ မတ်လ ၂၀ ရက်နေ့ နဲ့ ၂၁ ရက်နေ့တွေမှာ ပြုလုပ်ခဲ့တယ်လို့ ဒီနေ့မှာ သတင်းထုတ်ပြန်လာပါတယ်။
ဒီအခမ်းအနားကို ပါတီပြန်လည်ဖွဲ့စည်းတည်ထောင်တဲ့ နေ့ မတ်လ ၅ ရက်နေ့မှာ စစ်ကောင်စီအစိုးရအဖွဲ့ NCA-S- EAO ၊ ပြည်နယ်တာဝန်ရှိလူကြီးတွေ နဲ့ နိုင်ငံရေးပါတီက ခေါင်ဆောင်တွေကို ဖိတ်ကြားပြီး လူ(၅၀၀)လောက် နဲ့ အခမ်းအနားတခုကို ကျင်းပပြုလုပ်ဖို့ ရည်ရွယ်ခဲ့ပေမယ့် စစ်ရေးအခြေနေတွေ ကြောင့် အစီအစဥ်ဖျက်သိမ်းခဲ့ရတယ်လို့လည်းဆိုပါတယ်။
အဲဒီနောက် ပါတီ နဲ့ တပ်မြတ်တော်ကို ပြန်လည်ဖွဲ့စည်းကြောင်း ကြေငြာခဲ့တဲ့ မတ်လ (၂၀) ရက်နေ့ နဲ့ ၂၁ ရက်နေ့တွေမှာ အခမ်းအနားကို ၂ နေရာခွဲ ပြီး ပါတီက ရဲဘော် တချို့ နဲ့ သာ အမြန်ဆုံးကျင်းပခဲ့ရသလို ၂၂ ရက်နေ့မှာတော့ တပ်မှူး၊ တပ်ဗိုလ် များအစည်းအဝေးကို ကျင်းပခဲ့ရတယ်လို့လည်း ထုတ်ပြန်ချက်မှာ ဆိုထားပါတယ်။
လက်ရှိ စောမြရာဇာလင်း ဦးဆောင်တဲ့ ရခိုင်ပြည်လွတ်မြောက်ရေးပါတီ (ALP ) အဖွဲ့ ဟာ ရခိုင်တိုက်ပွဲအတွင်းမှာ စစ်ကောင်စီတပ် တွေ နဲ့ပူးပေါင်းကာ အာရက္ခတပ်တော်ကို ပြန်လည်တိုက်ခိုက်တာ ရခိုင်ဒေသခံပြည်သူတွေကို စစ်ကောင်စီအတွက် စစ်မှုထမ်းအတင်းစုဆောင်းတာ၊ပြန်ပေးဆွဲတာ၊ငွေတောင်းတာစတာတွေကို စစ်ကောင်စီတပ်တွေ နဲ့ အတူ ပူးပေါင်းလုပ်ဆောင်နေတဲ့ အဖွဲ့အစည်းတစ်ခုလည်း ဖြစ်ပါတယ်။
