CNA ၊ လင်းလင်း။
ပြီးခဲ့တဲ့ မတ်လ ၂၅ ရက်နေ့ ညနေ ၇ နာရီက စစ်ကောင်စီ ရဲ့လေကြောင်းတိုက်ခိုက်တာကို ခံခဲ့ရတဲ့ ပုဏ္ဏားကျွန်းမြိုနယ် အောင်ဖြူပြင်ရွာ ဖြစ်စဉ်မှာ သေဆုံးသူ အရပ်သား ၅ ဦးထိရှိလာနေပါတယ်။
လေကြောင်းတိုက်ခိုက်ခံခဲ့ရတဲ့ နေ့မှာတော့ မိသားစု ၃ ဦးဟာ နေရာမှာပဲ ပွဲချင်းပြီးသေဆုံးခဲ့ရပြီးတော့ အရပ်သား ၁၄ ဦးဟာထိခိုက်ဒဏ်ရာ အပြင်းအထန်ရရှိခဲ့ကြရပါတယ်။အဲဒီဒဏ်ရာ ရသူတွေထဲက ၂ ဦးမှာ ဆေးကုသခံယူနေတာကနေပြီး သေဆုံးသွားခဲ့ရပြီး သေဆုံးသူဟာ လက်ရှိမှာ ၅ ဦးထိရှိလာနေတာလည်း ဖြစ်ပါတယ်။
နေရာမှာတင် ပွဲချင်းပြီးသေဆုံးသွားခဲ့ရတဲ့ မိသားစုဝင် ၃ ဦးကတော့ သက် ၅၃ နှစ်အရွယ် ဦးသန်မောင် နဲ့ ဇနီးဖြစ်သူ အသက် ၄၅ နှစ်အရွယ် ဒေါ်မရီ သားဖြစ်သူ အသက် ၁၉ နှစ်အရွယ် မောင်သက်နိုင်တိုဖြစ်ကြပြီးတော့ လက်ရှိဆေးကုသရင်းသေဆုံး သွားတဲ့ သူ ၂ ဦးကတော့ အသက် ၁၅ နှစ်အရွယ် မအေးမြတ်ဝေ နဲ့ ကိုရဲလင်းစိုးတို ဖြစ်ကြပြီးတော့ သူတို နှစ်ဦးဟာ ဒဏ်ရာ အလွန်တရာ ပြင်းထန်တာကြောင့် မတ်လ ၂၆ ရက်နေ့မှာ သေဆုံးသွားခဲ့ရတာ ဖြစ်တယ်လို ဆိုပါတယ်။
လက်ရှိမှာလည်း ကျန်ရှိနေသေးတဲ့ ဒေသခံပြည်သူ ၁၂ ဦးကို ဆေးဝါးကုသပေးတာတွေကို လုပ်ဆောင်နေရတယ်လို ဆိုပါတယ်။
စစ်ကောင်စီဟာ တိုက်ပွဲတစ်စုံတရာမရှိဘဲ အာရက္ခတပ်တော်ထိန်းချုပ်မှု အောက်မှာ ငြိမ်းချမ်းစွာနေထိုင်နေကြတဲ့ ပုဏ္ဏားကျွန်း မြိုနယ်အတွင်းက အောင်ဖြူပြင်ရွာ စစ်ကောင်စီက အရပ်သားပြည်သူတွေ နဲ့ စစ်ဘေးရှောင်တွေ နေထိုင်ရာနေရာတွေကို တမင်ရည်ရွယ်ချက် ရှိရှိနဲ့ လေကြောင်းတိုက်ခိုက်မှုကို လုပ်ဆောင် ခဲ့တာဖြစ်တယ်လိုလည်း ပြောပါတယ်။
ဒါ့အပြင် စစ်ကောင်စီဟာ ပြီးခဲ့တဲ့ မတ်လ ၂၂ ရက်နေ့ကလည်း ပုဏ္ဏားကျွန်းမြိုနယ် အတွင်းက ကျော်ဇံကျေးရွာကို ဂျက်ဖိုက်တာနဲ့ ၂ ကြိမ်တိုင်တိုင်ဗုံးကြဲတိုက်ခိုက်ခိုက်တာကို လုပ်ဆောင်ခဲ့ပါတယ်။
ရခိုင်က အာရက္ခတပ်တော်ဆီမှာ စစ်ရေးအရှုးနဲ့ နယ်မြေ အများအပြားလက်လွတ်ဆုံးရှုးထားရတဲ့ စစ်ကောင်စီဟာ အခုနောက်ပိုင်းမှာ အရပ်သားပြည်သူ နဲ့ စစ်ဘေးရှောင်တွေ နေထိုင်ရာနေရာတွေကို လေကြောင်းတိုက်ခိုက်တာကို မကြာခဏဆိုသလို ဆက်တိုက်လုပ်ဆောင်လာနေတာလည်း ဖြစ်ပါတယ်။
