CNA ၊ မြတ်သူ။
ပြီးခဲ့တဲ့ မတ်လ ၂၇ ရက်နေ့ ညနေ ၃ နာရိလောက်မှာ စစ်ကောင်စီက ကျောက်ဖြူမြို့ ကုလာဘာကျေးရွားကို ဒရုန်းနဲ့ ဗုံးကြဲတိုက်ခိုက်ခဲ့တာကြောင့် လူနေအိမ် ၁ ဆောင် နဲ့ ကားတစ်စီးပျက်စီးသွားခဲ့ရတယ်လို့ ဒီနေ့ မနက်ပိုင်းမှာ ဒေသခံ တွေက CNA ကိုပြောပါတယ်။
အဲဒီလို ဗုံးသီးကျရောက်ပေါက်ကွပြီးနေအိမ်ပျက်စီးသွားခဲ့ရသူကတော့ ကုလာဘာကျေးရွာ အတွင်းက ဦးမောင်ကျော်စိန်နေအိမ်ဖြစ်ပြီးတော့ အိမ်ရှေ့မှာ ရပ်ထားတဲ့ ကားဟာလည်း ဗုံးသီး ကျရောက်ပေါက်ကွဲမှုကြောင့် မီးလောင်ပျက်စီးသွားခဲ့ရတယ်လို့ ပြောပါတယ်။
“လူတွေက ဘာမှမဖြစ်ဘူး ဦးမောင်ကျော်စိန် နေအိမ်ရှေ့တည့်တည့်ကို တစ်လုံး အိမ်ပေါ်ကို တစ်လုံးကျတာ သူအိမ် ခြံအပြင်မှာ ရပ်ထားတဲ့ ကားတစ်စီးလည်း ပျက်စီးသွားတယ်။စစ်ကောင်စီက ဒီလို ဒရုန်း နဲ့ ဗုံးကြဲတိုက်ခိုက်တာကို ဒီနားဝန်းကျင်မှာက ခဏခဏလုပ်နေတယ်”လို့ သူကပြောပါတယ်။
စစ်ကောင်စီ နဲ့ အာရက္ခတပ်တော် တို့ ဟာ ကျောက်ဖြူမြို့နယ် အတွင်းမှာ ပြီးခဲ့တဲ့ ဖေဖော်ဝါရီလ ၂၀ ရက်နေ့ ကတည်းကပင် ဓညဝတီရေတပ်ဌာနချုပ် နဲ့ ၃ မိုင်ခန့်အကွာက စည်မော်၊ ဦးကင်း၊ ကြတ္တိန်ကျေးရွာအနီးတွေ မှာ နှစ်ဖက်တိုက်ပွဲတွေ စတင်ဖြစ်ပွါးခဲ့တာလည်း ဖြစ်ပါတယ်။
လက်ရှိမှာလည်း အာရက္ခတပ်တော် ရဲ့ ထိုးစစ်တွေ ဟာ နယ်မြေ တဖြေးဖြေးကျယ်ပြန့်လာပြီးတော့ ကျောက်ဖြူမြို့ နဲ့ ၆ မိုင်းခန့် အကွာ ကမ်းမွန်းတောင် အနီးထိ ထိုးစစ်ရောရှိလာနေတာလည်း ဖြစ်ပါတယ်။
