CNA ၊ လင်းလင်း။
ပြီးခဲ့တဲ့ မတ်လ ၃၁ ရက်နေ့ ညနေ ၈ နာရီကျော်လောက်မှာ စစ်ကောင်စီက မြောက်ဦးကို လေကြောင်းက ဗုံးကြဲတိုက်ခိုက်ခဲ့တာကြောင့် အရပ်သားတစ်ဦးသေဆုံးခဲ့ရတယ်လို့ ဒေသခံ တွေ ကပြောပါတယ်။
စစ်ကောင်စီလေကြောင်းက ကြဲချတိုက်ခိုက်ခဲ့တဲ့ ဗုံးသီးတွေဟာ မြောက်ဦးမြို့နယ်အတွင်းက နေရာ ၄ နေရာထက်မနည်းကို ကျရောက်ပေါက်ကွဲခဲ့တာ ဖြစ်ပြီးတော့ အလယ်စေ◌ျးရပ်ကွက် အတွင်းက ဦးအောင်ကျော်ဇံ ဆိုသူမှာ စစ်ကောင်စီက ကြဲချတိုက်ခိုက်ခဲ့တဲ့ ဗုံးသီး ကျရောက်ပေါက်ကွဲပြီးတော့ နေရာမှာပဲ သေဆုံးခဲ့ရတာ ဖြစ်တယ်လို ဒေသခံကတွေက ပြောပါတယ်။
“ကျနော်သိသလောက်ကတော့ အဲဒီဦးလေးက လမ်းလျှောက်နေတဲ့ အချိန်မှာ စစ်ကောင်စီကကြဲချလိုက်တဲ့ ဗုံးသီး သူအနားကို ရောက်ပေါက်ကွဲပြီးတော့ သေဆုံးခဲ့တာလို့သိထားရတယ်။တစ်လုံးတည်းကြဲချတာမဟုတ်ဘူး ဗုံးက နောက်ထပ်နေရာတွေမှာလည်း ကျရောက်ပေါက်ကွဲတာ ရှိခဲ့တယ်။ ဒါပေမယ့် အပျက်အစီးတွေ တော့ မရှိဘူး”လို့ သူကပြောပါတယ်။
ငလျင်ဒဏ်ကြောင့် တစ်နိုင်ငံလုံးအတိုင်းအတာ အနေ နဲ့ ပူးဆွေးသောကရောက်နေချိန်မှာ စစ်ကောင်စီဟာ ရခိုင် က မြို့နယ်တွေကို လေကြောင်းဗုံးကြဲတိုက်ခိုက်တာ၊နေဗီကလက်နက်ကြီးတွေ နဲ့ ပစ်ခတ်တာ၊ဒရုန်း နဲ့ ဗုံးကြဲတိုက်ခိုက်တာ စတာတွေ ကို ဆက်တိုက်လုပ်ဆောင်နေတာလည်း ဖြစ်ပါတယ်။
မနေ့က မတ်လ ၃၁ ရက်နေ့ မနက်ပိုင်းကလည်း ကျောက်ဖြူမြို့နယ် ဇင်ချောင်း ကုန်ဘွေရွာကို စစ်ကောင်စီနေဗီက လက်နက်ကြီး နဲ့ ပစ်ခတ်တိုက်ခိုက်ခဲ့တာကြောင့် ရဟန်တစ်ပါးအပါအဝင် အရပ်သားတစ်ဦး သေဆုံးခဲ့ရပြီး နောက်ထပ် ဆရာတော်ကြီးတစ်ပါး နဲ့ ကိုရင်တစ်ပါး အပါအဝင် ဒေသခံပြည်သူ ၇ ဦးဟာ အပြင်းအထန် ဒဏ်ရာ ရရှိခဲ့ရတာလည်း ရှိခဲ့ပါတယ်။
ဒါ့အပြင် မတ်လ ၃၀ ရက်နေ့ ညနေကလည်းကျောက်ဖြူမြို့နယ်အတွင်းက ကုလဘာကျေးရွာကို လေကြောင်းကနေတဆင် ဒရုန်း နဲ့ဗုံးကြဲတိုက်ခိုက်တာကို လုပ်ဆောင်ခဲ့တဲ့ အတွက် နေအိမ်တစ်လုံးပျက်စီးသွားခဲ့တာလည်း ရှိခဲ့ပါတယ်။
