Home လေကြောင်းတိုက်ခိုက်မှု လေကြောင်းတိုက်ခိုက်မှု စစ်ကော်မရှင်က လေကြောင်းတိုက်ခိုက်ခဲ့တဲ့ နမ္မတူမြို့ မှာ အရပ်သား အမျိုးသမီး (၄)ဦး ထိမှန်ဒဏ်ရာရ

စစ်ကော်မရှင်က လေကြောင်းတိုက်ခိုက်ခဲ့တဲ့ နမ္မတူမြို့ မှာ အရပ်သား အမျိုးသမီး (၄)ဦး ထိမှန်ဒဏ်ရာရ

141
15

Coastal News Agency

စစ်ကော်မရှင်ကလေကြောင်းဗုံးကြဲတိုက်ခိုက်ခဲ့တဲ့ နမ္မတူမြို့ မှာ အရပ်သား အမျိုးသမီး (၄)ဦး ထိမှန်ဒဏ်ရာရ ရှိခဲ့တယ်လို့ TNLA က သတင်းထုတ်ပြန်ထားပါတယ်။

ဒီတိုက်ခိုက်မှုကို စစ်ကော်မရှင်က ဒီနေ့မနက် ၈ နာရီ ၂၈ မိနစ်မှာ ပေါင် ၂၅၀ ဗုံး ၂ လုံးကို နမ္မတူမြို့ အ.ထ.က (၁) ကျောင်း အနီးဝန်းကျင်ကို လေကြောင်းကနေတဆင့်ကြဲချတိုက်ခိုက်ခဲ့တာဖြစ်ပြီးတော့ အဲဒီအနားကို ကျရောက်ပေါက်ကွဲပြီးတော့ ဒေသခံ အမျိုးသမီး (၄)ဦး ထိမှန်ဒဏ်ရာရရှိခဲ့ရသလို စာသင်ဆောင် (၂)ဆောင် နဲ့ ပြည်သူပိုင် နေအိမ်တွေလည်း ပျက်စီးသွားခဲ့ရတယ်လို့ ဆိုထားပါတယ်။

အဲဒီလိုဘဲ စစ်ကော်မရှင်တပ်ဟာ နမ့်ဆန်မြို့နယ် အတွင်းက ဟိုမိန်းကျေးရွာကို ဒီနေ့မနက်ပိုင်းမှာ လေကြောင်းက ဗုံးကြဲတိုက်ခိုက်ခဲ့တာလည်း ရှိခဲ့ရပြီးတော့ အသေးစိတ်ကိုတော့ ဆက်လက်စုံစမ်းနေဆဲ ဖြစ်တယ်လို့လည်း ဆိုထားပါတယ်။

စစ်ကော်မရှင်တပ်ဟာ ဒီ အောက်တိုဘာ (၁)ရက်နေ့ကနေပြီးတော့ (၁၆)ရက်နေ့အထိ မန်တုံမြို့ကို(၁)ကြိမ်၊ ကျောက်မဲမြို့ကို (၃)ကြိမ်၊ သီပေါမြို့ကို (၅)ကြိမ်၊ မိုင်းငေါ့မြို့ကို(၁)ကြိမ်၊ မိုင်းလုံမြို့ကို (၄)ကြိမ်၊ နမ့်ဆန်မြို့ကို (၃)ကြိမ်၊ နမ္မတူမြို့ကို (၄)ကြိမ်၊ မိုးမိတ်မြို့ကို (၃)ကြိမ် နဲ့ မိုးကုတ်မြို့ကို (၁)ကြိမ် စုစုပေါင်း (၂၅)ကြိမ် အထိကို လေကြောင်းက ဗုံးကြဲတိုက်ခိုက်တာရှိခဲ့ပါတယ်။

အဲဒီလိုလေကြောင်တိုက်ခိုက်မှု ဆက်တိုက်လုပ်ဆောင်ခဲ့တာကြောင့် ကလေး (၇)ဦး၊ အမျိုးသား (၁၀)ဦး၊ အမျိုးသမီး (၁၂)ဦးသေဆုံးခဲ့ရပြီးတော့ ကလေး (၁၁)ဦး၊ အမျိုးသား (၁၄)ဦး၊ အမျိုးသမီး (၁၁)ဦးဟာလည်း ထိခိုက်ဒဏ်ရာ ရရှိတာတွေ ရှိခဲ့ရတယ်လို့ ဆိုထားပါတယ်။

အဲဒါတွေ အပြင် နေအိမ်အလုံးရေ (၁၀၈)အိမ်၊ စာသင်ကျောင်း (၃)ကျောင်း၊ ဘုန်းကြီးကျောင်း (၂)ကျောင်း၊‌ ကျောင်းဆောင် (၄)ဆောင် နဲ့ အ‌ဆောက်အဦး (၄)ခုဟာလည်း ဒီဗုံးကြဲတိုက်ခိုက်မှုတွေကြောင့် ပျက်စီးသွားခဲ့ရတယ်လို့ သိရပါတယ်။

15 COMMENTS

LEAVE A REPLY

Please enter your comment!
Please enter your name here