Home သတင်း စစ်ရေး ပုဏ္ဏားကျွန်းမှာ လူနာတင်သွားတဲ့ လူမှုကူညီရေးအဖွဲ့ကားကို စစ်ကော်မရှင်တပ်က ဒရုန်းနဲ့ ဗုံးကြဲတိုက်ခိုက်လို့ တစ်ဦးသေဆုံးခဲ့ရ

ပုဏ္ဏားကျွန်းမှာ လူနာတင်သွားတဲ့ လူမှုကူညီရေးအဖွဲ့ကားကို စစ်ကော်မရှင်တပ်က ဒရုန်းနဲ့ ဗုံးကြဲတိုက်ခိုက်လို့ တစ်ဦးသေဆုံးခဲ့ရ

89
9
ပုံ - ဖြူစင်ရင်ခွင်ဖောင်ဒေးရှင်း

Coastal News Agency

အာရက္ခတပ်တော်ထိန်းချုပ်နယ်မြေ ပုဏ္ဏားကျွန်းမြို့နယ်ထဲက လူမှုကူညီရေးအဖွဲ့တစ်ဖွဲ့ဖြစ်တဲ့ ဖြူစင်ရင်ခွင်ဖောင်ဒေးရှင်းအဖွဲ့ဟာ မနေ့က အောက်တိုဘာ ၂၆ ရက်နေ့ အရေးပေါ်လူနာ တင်ဆောင်ဖို့ သွားရောက်ချိန်မှာ စစ်ကော်မရှင်တပ်က ဒရုန်းနဲ့ ဗုံးကြဲတိုက်ခိုက်တာကိုခံခဲ့ရတဲ့အတွက် အသင်းဝင်တစ်ဦးသေဆုံးသွားခဲ့ရတယ်လို့ ဖြူစင်ရင်ခွင်ဖောင်ဒေးရှင်းက သတင်းထုတ်ပြန်ထားပါတယ်။

သေဆုံးသွားခဲ့ရတဲ့ သူကတော့ ပုဏ္ဏားကျွန်းမြို့နယ်အခြေစိုက် ဖြူစင်ရင်ခွင်ဖောင်ဒေးရှင်း က အသင်းဝင်ဖြစ်တဲ့ အသက် ၁၄ နှစ်အရွယ် မောင်ဌေးအောင်ဟိန်း ဖြစ်ပြီးတော့ ပုဏ္ဏားကျွန်းမြို့နယ်၊ ကွမ်းတောင်ကျေးရွာက အရေးပေါ်လူ နာကို တင်ဆောင်ဖို့ သွားရောက်ချိန်မှာ အခုလိုလေကြောင်းကနေတဆင့် စစ်ကော်မရှင်တပ်က ဒရုန်း နဲ့ဗုံးကြဲတိုက်ခိုက်တာကိုခံခဲ့ရတာတဲ့အတွက် သေဆုံးခဲ့ရတာလည်းဖြစ်ပါတယ်။

သေဆုံးသွားခဲ့ရတဲ့ ပုဏ္ဏားကျွန်းမြို့နယ်အခြေစိုက် ဖြူစင်ရင်ခွင်ဖောင်ဒေးရှင်း က အသင်းဝင်ဖြစ်တဲ့ အသက် ၁၄ နှစ်အရွယ် မောင်ဌေးအောင်ဟိန်း ဟာအ သက် ၁၀ နှစ်အရွယ်လောက်ကပင် ဒီ ဖြူစင်ရင်ခွင်ဖောင်ဒေးရှင်း မှာတက် တက်ကြွကြွ နဲ့ လူမှုကူညီရေးလုပ်ငန်းကို လုပ်ကိုင်ပေးခဲ့တဲ့ ကလေးငယ်တစ်ဦးလည်းဖြစ်တယ်လို့သိရပါတယ်။

အခုလို အများအကျိုးအတွက် အနစ်နာခံလုပ်ဆောင်ပေးနေခဲ့တဲ့ ကလေးငယ်တစ်ဦးသေဆုံးသွားခဲ့ရတဲ့ အပေါ်မှာလည်း ဖြူစင်ရင်ခွင်ဖောင်ဒေးရှင်း အနေ နဲ့ အထူးစိတ်မကောင်းဖြစ်ရသလို ဒီကလေးငယ်ရဲ့ ပေးဆပ်အနစ်နာ ခံခဲ့မှုတွေဟာ အလားကားဖြစ်မသွားရအောင် ဖြူစင်ရင်ခွင်ဖောင်ဒေးရှင်း အနေ နဲ့ လုပ်ဆောင်သွားမယ်လို့လည်း ထုန်ပြန်ပြောဆိုထားပါတယ်။

9 COMMENTS

LEAVE A REPLY

Please enter your comment!
Please enter your name here