အစ္စလာမ်မစ်အစွန်းရောက် စစ်သွီးကြွအကြမ်းဖက် မွတ်ဆလင်လက်နက်ကိုင်အဖွဲ့ တစ်ခု ဖြစ်တဲ့ ARSA ရဲ့ ခေါင်းဆောင်တစ်ဦး ဖြစ်တဲ့ အာတာအူလာအပါအဝင် တခြားတပ်ဖွဲ့ဝင် ၉ ဦးကို မတ်လ ၁၆ ရက်နေ့ မှာ ဘင်္ဂလားဒေ့်ရှ် အစိုးရက ဖမ်းဆီးလိုက်ပြီးဖြစ်တယ်လို့ ဘင်္ဂလားဒေ့်ရှ်နိုင်ငံ သတင်းဌာနတွေမှာ ဖော်ပြထားပါတယ်။
အဲဒီ အစ္စလာမ်မစ်အစွန်းရောက် စစ်သွီးကြွအကြမ်းဖက် မွတ်ဆလင်လက်နက်ကိုင်အဖွဲ့ တစ်ခု ဖြစ်တဲ့ ARSA ထိပ်ပိုင်းခေါင်းဆောင် အာတာအူလာအပါအဝင် အခြားတပ်ဖွဲ့ဝင် ၉ ဦးကို ရန်းဂန်းချ်မြို့ (Narayanganj)နဲ့ မီမန်ဆင်းဂ်မြို့(Notun Bazar Garden City )မှာ ဘင်္ဂလားဒေ့်ရှ် အကြမ်းဖက်နှိမ်နင်းရေး အဖွဲ့((RAB)က ဖမ်းဆီးခဲ့တာ ဖြစ်တယ်လို့ The Businesses Standardသတင်းဌာနမှာ ဖော်ပြထားပါတယ်။
ဖမ်းဆီးခံထားရတဲ့ ARSA ဂေါင်းဆောင်တွေ နဲ့ တပ်ဖွဲ့ဝင်တွေ ရဲ့ နာမည်တွေကတော့ ARSA အဖွဲ့ရဲ့ လက်ရှိခေါင်းဆောင်ဖြစ်တဲ့ အသက် ၄၈ နှစ်အရွယ် အာတာအူလာ၊ အသက် ၆၆ နှစ်အရွယ် ARSA ဘာသာရေးခေါင်းဆောင် မိုစတာအာမက်၊အသက် ၂၄ နှစ်အရွယ် မိုနီရူဇာမန် ၊အသက် ၂၇ နှစ် အရွယ် ဆလီမူလာ၊အသက် ၂၃ နှစ်အရွယ် အက်စ်မောဟော်ရှနာ ၊အသက် ၁၅ နှစ်အရွယ် မိုဟာမက်ဟာဆန်၊အသက် ၂၄ နှစ်အရွယ် မိုဟာမင် အတ်ရှ်မတ်အူလာ၊အသက် ၄၃ နှစ်အရွယ် မိုဟာမက်ဟာဆန် ၊ အသက် ၂၂ နှစ်အရွယ် ရှာဟီနာ နဲ့ အသက် ၁၇ နှစ်အရွယ် ဆီနိုဝါရာ တို့ ဖြစ်ကြတယ်လို့ အဲဒီသတင်းမှာ ဖော်ပြထားပါတယ်။
လက်ရှိမှာတော့ အဲဒီဖမ်းဆီးရမိထားတဲ့ အကြမ်းဖက် ခေါင်းဆောင် နဲ့ တပ်ဖွဲ့ဝင်တွေကို အကြမ်းဖက်မှု ဆန့်ကျင်ရေးအက်ဉပဒေ ၊ တရားမဝင် ဝင်ရောက်နေထိုင်မှု ဉပဒေတွေ နဲ့ ဒါကာခရိုင် (Dhaka Division) ရန်းဂန်းချ်မြို့ (Narayanganj)ရဲစခန်းမှာ အမှုဖွင့်ပြီးတော့ ဒီနေ့ မတ်လ ၁၈ ရက်နေ့မှာ ရုံးထုတ်စစ်ဆေးမှုကို လုပ်ဆောင်ခဲ့တာ ဖြစ်တယ်လို့လည်း ဆိုထားပါတယ်။
အဲဒီဖမ်း အကြမ်းဖက်ခေါင်းဆောင် အာတာအူလာ အပါအဝင် တခြားတပ်ဖွဲ့ ဝင် ၉ ဦး နဲ့ အတူ ဘင်္ဂလားဒေ့်ရှ်ငွေ တာကာ ၂၁ သိန်းကျော်နဲ့ ငွေ ၂၁ သိန်း ဓား၊သံကြိုးအထူ၊လက်ပတ်နာရီ ၄ လုံးကိုလည်း သိမ်းဆည်း ရမိခဲ့သေးတယ်လို့လည်းဖော်ပြထားပါတယ်။
လက်ရှိ ဖမ်းဆီးရမိခဲ့တဲ့ ARSA အဖွဲ့တွေဟာ ရခိုင်မှာ အာရက္ခတပ်တော် နဲ့ စစ်ကောင်စီတို့ နှစ်ဖက်တိုက်ပွဲ ဖြစ်ပွါးချိန်မှာ စစ်ကောင်စီဘက်ကနေ စစ်ကူအနေ နဲ့ ပါဝင်ကူညီတိုက်ခိုက်ပေးတာ၊ စစ်အင်အားစုဆောင်းပေးတာတွေကိုလုပ်ဆောင်ပေးခဲ့တာ ရှိသလို ရခိုင်ပြည်အတွင်းက ဘူးသီးတောင် နဲ့ မောင်တောမြို့နယ်တွေက အပြစ်မဲ့ အရပ်သားပြည်သူတွေကို ဖမ်းဆီးကာ ငွေတောင်းတာ ၊ မတရားဖမ်းဆီးသတ်ဖြတ်တာ တွေ အပြင် ရာဇဝတ်မှု မျိုးစုံကို ကျူးလွန်နေတဲ့ အဖွဲ့ တစ်ခုလည်း ဖြစ်ပါတယ်။
