ပြီးခဲ့တဲ့ နိုဝင်ဘာလ (၅) ရက်နေ့က အာရက္ခရေပိုင်နက်အတွင်းကိုကျူး ကျော်ဝင်ရောက်ပြီး ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံဘက်က ငါးဖမ်းလှေ အစီးရေ ၆၀ ကို အာရက္ခကမ်းခြေစောင့်တပ်တွေက ခေါ်ယူဖမ်းဆီးတာရှိခဲ့ပါတယ်။
အဲဒီငါးဖမ်းလှေ အစီးရေ ၆၀ ထဲမှာ ငါးဖမ်းလှေ ၁၅ စီး၊စက်တပ်လှေ ၂ စီး စက်မပါတဲ့ လှေ ၁၃ စီးပါဝင်ပြီး အဲဒီလှေ အစီးရေ ၆၀ နဲ့ အတူ ရေလုပ်သား ၂၀ ဦးပါဝင်တယ်လို့ ဆိုပါတယ်။
ရေလုပ်သား ၂၀ ဦးကို အာရက္ခတပ်တော် က ၂ ရက်အကြာထိန်းသိမ်းပြီး လိုအပ်တာတွေကို စစ်ဆေးမေးမြန်းပြီးနောက်မှာတော့ နောက်တစ်ကြိမ် ရေပိုင်နက်အတွင်း ကျူးကျော်ဝင်ရောက်ကာ ငါးမဖမ်းတော့ကြောင်း ခံဝန့ကတိထိုးခိုင်းပြီးတော့ နိုဝင်ဘာလ ၇ ရက်နေ့မှာဘင်္ဂလာဒေ့ရှ် နယ်ခြားစောင့်တပ် (BGP) လက်ထဲကို ကောင်းမွန်စွာ ပြန် လည်အပ်နှံခဲ့တယ်လို့ ဆိုပါတယ်။
အာရက္ခရေပိုင်နက်အတွင်းကို ဝင်ရောက်ငါးခိုးဖမ်းနေကြတဲ့ သူတွေဟာ ငါးဖမ်းလုပ်ငန်း နဲ့ အသက်မွေးဝမ်းကြောင်းပြုသူတွေဖြစ်ကြပြီး ဆင်းရဲနွမ်းပါးသူတွေဖြစ်ကြပြီး အခုလို အကြိမ်ကြိမ် ငါးခိုးဖမ်းနေတဲ့ ဘင်္ဂလားဒေ့ရှ်နိုင်ငံရေလုပ်သားတွေရဲ့မိသားစုစားဝတ်နေရေး အကျပ်အတည်းတွေကိုထောက် ထားငဲ့ညှာမှုနဲ့အတူ သက်ညှာပေးပြီးတော့ ပြန်လွတ်ပေးနေတာဖြစ်တယ်လို့ ဆိုပါတယ်။
ဒါ့အပြင် ဘင်္ဂလားဒေ့ရှ်အစိုးရနဲ့ မိမိတို့အဖွဲ့အစည်းအကြားမှာနှစ်ဖက်နယ်စပ်ရေးရာကိစ္စရပ်တွေကို ယခင်ထက်ပူးပေါင်းဆောင်ရွက်မှု ပိုမိုအားကောင်းလာနိုင်ဖို့အတွက် ရည်ရွည်ပြီးတော့ ရေပိုင်နက်ကျူးကျော်ဝင်ရောက်ပြီး ငါးခိုးဖမ်းတဲ့ သူတွေကို ဘယ်လို အပြစ်ဒဏ်မှ မပေးပဲ ပြန်လွတ်ပေးတာဖြစ်တယ် လို့လည်း ဆိုထားပါတယ်။
အဲဒီနောက် ရေလုပ်သား ၂၀ နဲ့ အတူပါလာတဲ့ ငါးဖမ်းလှေ အစီးရေ ၆၀ ထဲက စက်တပ် ၂ စီ၊စက်မပါတဲ့လှေ ၁၃ စီး နဲ့ ငါးဖမ်းလှေကြီး ၇ စီးကိုတော့
နိုဝင်ဘာလ ၂၀ ရက်နေ့မှာ အာရက္ခတပ်တော်ကဘင်္ဂလာဒေ့ရှ် နယ်ခြားစောင့်တပ် (BGP) ဆီကို ပြန်လည်လွဲပြောင်းပေးအပ်ခဲ့ပြီး ကျန်ရှိတဲ့ ငါးဖမ်းလှေ ၈စီးကိုတော့ အာရက္ခတပ်တော်က လုံခြုံရေး အာမခံချက် ရှိတဲ့ အချိန်မှာ ပြန်လည်လွဲပြောင်းပေးသွားမယ်လို့ ဆိုထားပါတယ်။
အခုလို ငါးဖမ်းလှေတွေ လွဲပြောင်းပေးအပ်ဖို့ ရက်တွေကြာသွားတာကလည်းမောင်တောဒေသမှာ စစ်ရေးပြင်ထန်နေမှု နဲ့အတူငါးဖမ်းလှေကိုထိမ်းသိမ်း ထားရာနေရာကနေ ပြန်လည်ပေးအပ်ဖို့အတွက် ပို့ဆောင်တဲ့နေရာမှာစစ်ကောင်စီရဲ့ လေကြောင်းရန်အန္တရာယ်ကို သတိထားနေရတာကြောင့် ဖြစ်တယ်လို့ဆိုပါတယ်။
ဒါ့အပြင် နောက်နောင်တွေမှာအာရက္ခရေပိုင်နက်အတွင်းကို အခုလိုကျူး ကျော်ပြီးတော့ငါးခိုးဖမ်းဖို့ ဝင်ရောက်လာတဲ့ ဘယ်သူကိုမဆို အာရက္ခတပ်တော် အနေ နဲ့ တရားဥပဒေနဲ့အညီ စစ်ဆေး၊ အပြစ်ပေး အရေးယူသွားမယ် လိုလည်း သတိပေးပြောဆိုထားပါတယ်။
