ရခိုင်ပြည်နယ်၊ ဂွမြို့နယ် ကျိန္တလီမြို့ သိုင်းကျွန်းကျေးရွာက ဦးနှောက်ကို ပိုးဝင်ပြီးသတိမေ့မျောနေတဲ့ ကလေးငယ်ကို အရေးပေါ်ဆေးဝါးကုသနိုင်ဖို့အတွက် ငွေကြေးအထောက်အပံ့ကူညီပေးမှုတွေ လိုအပ်တယ်လို့ ဒေသခံ လူမှုကူညီရေး အသင်းအဖွဲ့တွေကပြောပါတယ်။
အဲဒီလို သတိမေ့မျောနေတဲ့ ကလေးငယ်မှာ ကျိန္တလီမြို့ သိုင်းကျွန်းကျေးရွာက မချိုချိုလိူင်ရဲ့သား ဖြစ်သူ အသက် ၅ နှစ်အရွယ် မောင်ကောင်းမြတ်စိုးဆိုသူ ဖြစ်တယ်လို့ ဆိုပါတယ်။
လက်ရှိ အဲဒီကလေးငယ်မှာ ဆပ်သွားတိုက်နယ်ဆေးရုံမှာ ဆေးကုသနေရပြီး ကလေးငယ်မှာ ရောဂါ အခြေအနေကြောင့် သတိမေ့မျောနေသည်မှာ ၅ ရက်ထိနေပြီး ဖြစ်တယ်လို့ အဲဒီကလေးငယ်ကိစ္စကို လိုက်ပါကူညီဆောင်ရွက်ပေးနေသူ တစ်ဦး ဖြစ်တဲ့ ကိုစိုးလွင်ကပြောပါတယ်။
“ကလေးက လက်ရှိကတော့ဆေးရုံမှာ ။ သတိမေ့နေတာတော့ ၅ ရက်ရှိပြီ။ဦးနှောက်ကို ပိုးဝင်တာလို့ပြောတယ်။ကလေး ငယ်မိသားစုမှာက ဘာမှ မရှိဘူး တော်တော်ဆင်းဆင်းရဲရဲ အခုကျနော်တို့ ရတဲ့ အလှူငွေတွေနဲ့တော့ အကောင်းဆုံး လုပ်ဆောင်ပေးထားတယ်။အလှူရှင်တွေကိုလည်း ကျေးဇူးတင်တယ်။အလှူငွေတွေကတော့ လိုအပ်နေတုန်းဘဲ။ဆေးရုံ ပြောင်းမဲ့ ကိစ္စကိုတော့ ဆရာဝန်တွေ နဲ့ တိုင်ပင်နေတယ်လို့”သူကပြောပါတယ်။လက် ရှိ ကလေးငယ်ကို ရန်ကုန်ဆေးရုံသို့ ပို့ဆောင်နိုင်ဖို့ အတွက် ဆရာဝန်တွေ နဲ့ တိုင်ပင်မှုတွေ လုပ်ဆောင် နေတာ ရှိနေပြီး ကလေးငယ်ရဲ့ အသက်ကို ကယ်တင်နိုင်ဖို့ အလှူငွေတွေ ဆက်လက် လှူဒါန်းပေးဖို့လည်း လိုအပ်နေသေး တယ်လို့ သူကဆိုပါတယ်။
ကလေးငယ်ရဲ့ ဆေးကုသစရိတ်ကို အောက်ဖော်ပြပါ ကိုစိုးလွင်ရဲ့ ဖုန်း နံပတ်09421755014 မှ တဆင့် ဆက်သွယ်လှူဒါန်း နိုင်ပါသည်။
