ရခိုင်မြောက်ပိုင်းက အာရက္ခတပ်တော် အေအေ သိမ်းပိုက်ရရှိထားပြီး ဖြစ်တဲ့မြို့တွေမှာ လာမယ့်နွေရာသီ အတွင်း သောက်သုံးရေ ရှားပါးမှု တွေ နဲ့ ထပ်မံ ရင်ဆိုင် ကြုံတွေ့ မှု မရှိရလေအောင် ရေထိန်းသိမ်းရေး စနစ်တွေကို သေချာ စနစ် တကျ နဲ့ စီမံဆောင်ရွက်ကို့ လိုအပ်နေတယ်လို့ ဒေသခံတွေကပြောပါတယ်။
လက်ရှိမှာ အာရက္ခတပ်တော် အေအေ ဟာ ရခိုင်မြောက်ပိုင်းက မြို့တွေ ဖြစ်ကြတဲ့ ပေါက်တော၊မင်းပြား၊ကျောက်တော်၊ မြောက်ဦး၊မြေပုံ၊ပုဏ္ဏားကျွန်း၊ရသေ့တောင် နဲ့ ဘူးသီးတောင်မြို့နယ်တွေကို အာရက္ခတပ်တော် အေအေ က အပြီးသတ် သိမ်းပိုက်ထားပြီး ဖြစ်ပါတယ်။
အဲဒီလို အာရက္ခတပ်တော် အေအေ က အပြီးသတ် သိမ်းပိုက် ရရှိထားပြီးဖြစ်တဲ့ မြို့တွေဟာ နှစ်စဉ်နွေရာသီကို ရောက်ရှိ လာခဲ့ရင် ရေရှားပါးမှု ဒဏ်ကို ပြည်သူတွေဟာ အခက်အခဲများစွာ နဲ့ရင်ဆိုင်ကြရတဲ့ မြို့တွေ ဖြစ်ကြတဲ့ အ တွက် ဒီနှစ်နွေရာ သီမှာ ရေရှားပါးမှုဒဏ်ကို ထပ်မံ မခံစားရအောင် သက်ဆို င်ရာ တာဝန်ရှိသူတွေ အနေ နဲ့ ရေထိန်းသိမ်းရေးစနစ် ကို သေချာ လုပ်ဆောင်ဖို့ လိုအပ်တယ်လို့ ပုဏ္ဏားကျွန်းမြို့နယ် အတွင်းက ဒေသခံတွေက ဆိုကြပါတယ်။
“အဓိက ရေရှားပါးတာက အုပ်ချုပ်ရေး အဖွဲ့တွေရဲ့ ထိန်းသိမ်းမှု နဲ့ ဆိုင်တာပေါ့။ကျနော်တို့ ရခိုင်မှာက မိုးရာသီဆိုပြီး တော့ ရေကန်တွေကို ဂရုတစိုက်နဲ့ ထိန်းထိန်းသိမ်းသိမ်း နဲ့ မထားဘဲဒီအတိုင်းထားကြတယ်။အဲဒါကြောင့် လာမယ့်နှစ်မှာ ရေမရှားရအောင် အခုကတည်းကပင် တာဝန်ရှိသူတွေ အနေ နဲ့ရေထိန်းသိမ်းမှုကို စနစ်တကျလုပ်ဖို့လိုအက်တယ်လို့ "ပုဏ္ဏားကျွန်းမြို့နယ်အ တွင်းကဒေသခံပြည်သူတစ်ဦးကပြော တယ်။ရခိုင်က ပုဏ္ဏားကျွန်း၊ ကျောက်တော်၊ မင်းပြား၊ ပေါက်တော၊ ရသေ့တောင်၊ ဘူးသီးတောင်စတဲ့မြို့နယ်တွေက သောက်ရေ ကန် အများစုဟာ မိုခါမုန်းတိုင်းကြောင့် ရေကန်ပေါင်း မြောက်များစွာ ပျက်စီးခဲ့ရသလို လက်ရှိတိုက်ပွဲတွေကြောင့် သောက်ရေကန်တွေမှာ လက်နက်ကြီးကျရောက်ပေါက်ကွဲတာ၊မပေါက်ကွဲသေးတဲ့ လက်နက်ကြီး ကျည်တွေ ရှိသေးတာ တွေကြောင့် အသုံးပြုမရတဲ့ သောက်ရေကန် များစွာ ရှိနေတယ်လို့လည်း ရခိုင်မြောက်ပိုင်းဒေသခံတွေက ဆိုကြပါတယ်။
အဲဒီလို သောက်ရေကန်ပေါင်းများစွာ ပျက်စီးနေတာကြောင့် လာမည့် နှစ်နွေရာသီမှာ ရေရှားပါးမှုဒဏ်ကို ခံရနိုင်တဲ့ အတွက် သက်ဆိုင်ရာ တာဝန်ရှိသူတွေ အနေ နဲ့ ရေထိန်းသိမ်းရေး စနစ်ကို သေချာစီမံတကျ လုပ်ဆောင်ပေးဖို့ အတွက် လိုအပ်တာ ဖြစ်တယ်လို့လည်း ပေါက်တောဒေသခံ တစ်ဦးကပြောပါတယ်။
“စစ်ပွဲဖြစ်တော့ လက်နက်ကြီးတွေကျတယ် ကန်တွေပျက်စီးတယ်။နောက်ပြီးရေကန်တွေထဲမှာ မပေါက်ကွဲဘဲ ရှိသေးတဲ့ လက်နက်ကြီးတွေ ရှိလို့ အသုံးမပြုဘဲ ထားရတဲ့ ရေကန်တွေလည်း ရှိတယ်ဆိုတော့ သောက်ရေကန်တွေက နည်း လာတယ်။အဲဒီလို သောက်ရေကန် နည်းလာတာနဲ့ အမျှ ထိန်းသိမ်းမှုမရှိရင်တော့ ရေရှားတာက ဆက်ရှိနေဦးမယ်။ အဲဒါကြောင့် စနစ်တကျနဲ့ ရေရှားပါးမှု မဖြစ်လာအောင် ထိန်းသိမ်းဖို့ သက်ဆိုင်ရာတာဝန်ရှိသူတွေက လိုတယ်လို့” သူက ထပ်မံ ပြောဆိုပါတယ်။မိုခါ မုန်တိုင်း အပြီး ရခိုင်ဒေသ တစ်ကျော့ပြန်တိုက်ပွဲတွေ စတင်လာပြီးနောက်ပိုင်မှာ တိုက်ပွဲ အခြေအတွေကြောင့် နေရ ပ်စွန့်ခွါ ထွက်ပြေးလာကြရတဲ့ စစ်ဘေးရှောင်တွေဟာ မသန့်ရှင်းတဲ့ ရေတွေကို ပိုမို သုံးစွဲလာရတာကြောင့် နောက်ဆ က်တွဲကျန်းမာရေးပြဿနာတွေ ကြုံလာရပြီးနောက် အသက်သေဆုံးမှု တွေ ရှိလာတဲ့ အထိပင် ရခိုင်ပြည်သူတွေဟာ တွေ့ ကြုံခံစားလာခဲ့ ကြရပါတယ်။
ပြီးခဲ့တဲ့ နွေရာသီပိုင်း နဲ့ အခုလက်ရှိမိုးရာသီပိုင်းတွေမှာ စစ်ဘေးရှောင်တွေဟာ အဲဒီလို မသန့်ရှင်းတဲ့ ရေတွေကို သုံးစွဲ ခဲ့ရတာတွေကြောင့် စစ်ဘေးရှောင်ပြည်သူတွေ အနေ နဲ့ ဝမ်းပျက် ဝမ်းလျှောရောဂါဝေဒနာကို ခံစားခဲ့ရပြီး ဆေးဝါးကုသမှု အပြည့်အဝမပေးနိုင်တဲ့ အတွက် အသက်သေဆုံးခဲ့ရတဲ့ အထိပင် ကြုံတွေ ခဲ့ရတာတွေလည်း ရှိခဲ့တယ်လို့ နောက်ထပ် ပေါက်တော မြို့နယ် အတွင်းမှာ ရှိနေတဲ့ စစ်ဘေးရှောင် စစ်ရှောင် အမျိုးသမီး တစ်ဦးကပြောပါတယ်။
