ဂွမြို့နယ် ကုလားပြင်ကျေးရွာအတွင်းမှာ ပိတ်မိနေတဲ့ ဒေသခံတွေ နဲ့ စစ်ဘေးရှောင်ပြည်သူတွေမှာ စားနပ်ရိက္ခာဝယ်ယူခွင့်မရတာကြောင့် အငတ်ဘေးတွေ နဲ့ ရင်ဆိုင်နေကြရတယ်လို့ ဒေသခံတွေကပြောပါတယ်။
အဲဒီကုလားပြင်ကျေးရွာဟာ လက်ရှိ အာရက္ခတပ်တော် အေအေ နဲ့ စစ်ကော င်စီတို့ တိုက်ပွဲဖြစ်ပွားနေတဲ့ ဂန့်ဂေါ်တောင် နဲ့ တစ်ဖက်တစ်ကမ်းမှာရှိနေတဲ့ ကျေးရွာ တစ်ခုဖြစ်ပြီး လက်ရှိမှာ စစ်ကောင်စီတပ်တွေက သွားလာခွင့်တွေ ကို ပိတ်ဆို့ထားတာကြောင့် ဒေသခံပြည်သူတွေဟာ စားနပ်ရိက္ခာဝယ်ယူ မရရှိပဲ အငတ်ဘေး နဲ့ ရင်ဆိုင်နေကြရတာဖြစ်တယ်လို့ ဒေသခံတစ်ဦးကပြောပါတယ်။
"ကျမတို့ရွာမှာက စစ်သားတွေကလည်း တပ်စွဲနေထိုင်နေတယ်။ဘယ်ကိုမှလည်း ထွက်လို့မရဘူး။ဆန်တွေကလည်းဝယ်မရဘူး။မိသားစုတော်တော် များများက ထမင်းငတ်နေကြရတယ်အခု။တော်တော်ကို ခက်ခက်ခဲခဲ ဖြစ်နေတယ်"လို့သူကပြောပါတယ်။အဲဒီကျေးရွာအတွင်းမှာ ဒေသခံပြည်သူတွေအပြင် သံတွဲ နဲ့ ငပလီမြို့တွေက စစ်ဘေးရှောင်နေသူတွေလည်းရှိနေပြီး အဲဒီစစ်ဘေးရှောင်တွေဟာ အငတ် ဘေး နဲ့ ပိုမိုကြုံတွေ့နေကြရတာလည်းဖြစ်တယ်လို့ဆိုပါတယ်။
အဲဒီလိုထမင်းမစားရတဲ့ ရက်တွေများလာတဲ့ စစ်ရှောင်တွေဟာ တောတောင် တွေမှာအစားအစာ ရှာဖွယ်ဖို့ထွက်ရင်လည်း စစ်ကောင်စီတပ်သားတွေက ခေါ်ယူ ရိုက်နှက်တာတွေ လုပ်လာတာကြောင့် စစ်ဘေးရှောင်နဲ့ပြည်သူတွေဟာ ပိုမို ခက်ခဲနေကြရတာဖြစ်တယ်လို့ နောက်ထပ် ဒေသခံတစ်ဦးကပြောပါတယ်။
"ငတ်တာများလာတော့ လူတွေက မခံနိုင်လို့ ထွက်ရှာတော့လည်း စစ်ကောင် စီတပ်တွေက ဖမ်းဆီးပြီးရိုက်နှက်တာတွေရှိနေတယ်။အဲဒီတော့ ဘယ်သူမှလည်း မသွားရဲကြတော့ဘူး တစ်ယောက်ကို တစ်ယောက်လည်း မကယ်နိုင်တဲ့ အနေအထားမှာရှိနေတယ်"လို့ ဒေသခံတစ်ဦးက ထပ်ပြောပါတယ်။စစ်ကောင်စီတပ်တွေဟာ ရခိုင်တကျော့ပြန်တိုက်ပွဲများအတွင်း အကျအရှုံးတွေနဲ့ရင်ဆိုင်နေရတာ ကြောင့် အရပ်သားပြည်သူတွေကို စားဝတ်နေရေးကျပ်တည်းအောင် ရည်ရွယ်ချက်ရှိရှိလုပ်နေတာဖြစ်ပါတယ်။
ရခိုင်ပြည်မြောက်ပိုင်းတစ်ခုလုံးနီးပါးကို စစ်ကောင်စီက AAလက်ထဲပေးလိုက်ရပြီးနောက်ပိုင်းမှာ ဂွနဲ့သံတွဲမြို့နယ်အပါအဝင် ရခိုင်တောင်ပိုင်းတခုလုံးကို လမ်းခရီးပိတ်ဆို့ထားတာ ဖြစ်ပါတယ်။
