CNA၊မြတ်သူ။
သံတွဲ နဲ့ဂွမြို့နယ်တွေမှာ ရှိနေတဲ့ စစ်ဘေးရှောင်ပြည်သူ လေးသောင်းကျော်ဟာ စားဝတ်နေရေး အခက်အခဲတွေ နဲ့ ရင်ဆိုင်နေရတယ်လို့ စစ်ဘေးရှောင်အရေးကူညီဆောင်ရွက်ပေးနေသူတွေက ပြောပါတယ်။
သံတွဲမြို့ နဲ့ ဂွမြို့နယ်တွေကို စစ်ကောင်စီလက်အောက်ကနေပြီးတော့ အာရက္ခတပ်တော် ကအပြီးသတ်သိမ်းပိုက်ရရှိထားပြီးဖြစ်ပေမယ့် ဒေသခံစစ်ဘေးရှောင်ပြည်သူတွေဟာ စစ်ကောင်စီရဲ့ လေကြောင်းရန်ကြောင့် နေရပ်ပြန်ခွင့်မရဘဲလက်ရှိအချိန်ထိ နေရပ်ပြန်ခွင့်မရသေးဘူးလို့ ဆိုပါတယ်။
အဲဒါကြောင့် စစ်ဘေးရှောင်ပြည်သူတွေဟာ အလှူရှင်နည်းပါးတာ၊ အလုပ်အကိုင်မရှိတာ တွေေကြောင့် စားဝတ်နေရေး အခက်အခဲတွေ နဲ့ ရင်ဆိုင်နေကြရတာဖြစ်တယ်လို့ သံတွဲ နဲ့ ဂွမြို့နယ်တွေက စစ်ဘေးရှောင်အရေး ကူညီဆောင်ရွက်ပေးနေသူတစ်ဦးကပြောပါတယ်။
“စစ်ရှောင်တွေက နေအိမ်မပြန်ကြရသေးဘူး။လေကြောင်းရန် နဲ့မိုင်း အန္တရာယ်တွေကရှိသေးတယ်ဆိုတော့စစ်ရှောင်တွေက နေအိမ်မပြန်ရသေးဘူးပေါ့။အလုပ်အကိုင်လည်းမရှိ၊အလှူရှင်တွေကလည်းနည်းတော့ သူတို့အတွက်ကတော့ စားဝတ်နေရေးခက်ခဲကြတာပေါ့။ကျနော်တိုလည်း အတတ်နိုင်ဆုံးတော့ ကြိုးစားပြီတော့ကူညီပေးနေတယ်လို့”သူကပြောပါတယ်။
အဲဒါတွေအပြင်စစ်ဘေးရှောင်ပြည်သူတွေဟာ အမိုးအကာ မရှိဘဲနေထိုင်ရတာ တစ်ကိုယ်ရည် သန့်ရှင်းမှုနည်းပါးတာတွေေကြောင့် ကျန်းမာရေးမကောင်းတာ အရေပြားရောဂါဖြစ်ပွါးတာတွေလည်း ရှိနေပြီး ဆေးဝါးကုသမှုတွေပေးဖို့လည်းလိုအပ်နေတယ်လို့ စစ်ဘေးရှောင်အရေးကူညီဆောင်ရွက်ပေးနေသူတွေက ဆိုပါတယ်။
‘စစ်ဘေးရှောင်တွေနေထိုင်ရတာကတော့ တောတောင်တွေ အနားမှာနေထိုင်ရတာတွေ များတယ် ။ အမိုးအကာကလည်းမရှိ၊ပြီးတော့တစ်ကိုယ်ရေးသန့်ရှင်းမှုအတွက်ကလည်း အစစအရာရာ ခက်ခဲတော့ ကျန်းမာရေးအတွက်ကလည်း ခက်ခဲတယ်။ဖျားနာတာ၊ယားနာဖြစ်တာတွေလည်း ရှိတယ်။ဆေးဝါးတွေကလည်း မလုံလောက်တော့ အဲဒီအတွက်ကလည်း တော်တော် အဆင်မပြေဖြစ်နေတယ်ပေါ့။ကျန်းမာရေး အတွက်လည်း ဆေးဝါးတွေက ခက်ခဲနေတယ်လို့”သူကပြောပါတယ်။
ဒီလို စစ်ဘေးရှောက်ပြည်သူတွေ အခက်အခဲကြုံတွေ့နေရတာတွေကိုလည်း အဆင်ပြေချောမွေ့စေနိုင်ဖို့ အတွက် အလှူရှင်တွေ၊ နိုင်ငံတကာ အဖွဲ့အစည်းတွေ အနေ နဲ့ ကူညီပေးတာတွေကို ဆောင်ရွက်ပေးဖို့အတွက်ကိုလည်း စစ်ဘေးရှောင်အရေး ကူညီပေးနေသူတွေက တောင်းဆိုကြပါတယ်။
အာရက္ခတပ်တော် နဲ့ စစ်ကောင်စီတပ်တို့ဟာ ပြီးခဲ့တဲ့ ၂၀၂၃ ခုနှစ် ဒီဇင်ဘာလ ၁၃ ရက်နေ့ကတည်းကပင် နှစ်ဖက်တိုက်ပွဲဖြစ်ပွါးခဲ့ကြတာဖြစ်ပြီး တိုက်ပွဲ တစ်နှစ်ကျော်ကာလ အတွင်း မှာ အာရက္ခတပ်တော်ဟာ ရခိုင်က မြို့နယ် ၁၄ ခု နဲ့ ပလက်ဝဒေသတစ်ခုလုံးကို အပြီးသတ်သိမ်းပိုက်ထားနိုင်ပြီးဖြစ်ပါတယ်။
ဒါပေမယ့် အဲဒီလို အာရက္ခတပ်တော်က သိမ်းပိုက်ထားတဲ့ မြို့နယ်တွေက စစ်ဘေးရှောင်ပြည်သူ ၆ သိန်းကျော်ဟာလည်း စစ်ကောင်စီရဲ့ လေကြောင်းတိုက်ခိုက်မှုရန်ကို စိုးရိမ်နေရတာကြောင့် နေရပ်ပြန်ခွင့်မရဘဲ စားဝတ်နေရေး အခက်အခဲတွေ နဲ့ ရင်ဆိုင်နေရဆဲ ဖြစ်တယ်လို့ ရခိုင်စစ်ဘေးရှောင်အရေး ကူညီပေးနေသူတွေက ဆိုကြပါတယ်။
