CNA၊မြတ်သူ။
မာန်အောင် နဲ့တောင်ကုတ်က ခရီးသည် ၂၇၉ ဉီးပါလာတဲ့ သင်္ဘောတစ်စီးကို ဟိုင်းကြီးကျွန်း အနီးမှာ ရှိတဲ့ စစ်ကောင်စီ ရေတပ်သင်္ဘောကတစ်ပတ် ကြာဖမ်းဆီးစစ်ဆေးပြီးနောက် မနေ့က ဇန်နဝါရီလ ၆ ရက်နေ့ညနေ မှာ ပြန်လွတ်ပေး လိုက်တယ်လို့ သင်္ဘောပေါ်မှာ လိုက်ပါလာတဲ့ ဒေသခံတစ်ဉီးက CNA ကို အတည်ပြုပြောပါတယ်။
ရွှေလမင်း (၅) အမည် ရှိတဲ့သင်္ဘောဟာ မာန်အောင်မြို့နယ် အတွင်းက ပြီးခဲ့တဲ့ ၂၀၂၄ ခုနှစ် ဒီဇင်ဘာလ ၂၉ရက်နေ့က တည်းကပင် မာန်အောင် နဲ့ တောင်ကုတ်မြို့တွေက ခရီးသည် ၂၇၉ ဉီးကို တင်ဆောင်ကာ ရန်ကုန်သို့ ထွက်ခွါလာတာ ဖြစ်ပြီးတော့ ၂၀၂၅ ခု ဇန်နဝါရီလ ၁ ရက်နေ့ ဟိုင်းကြီးကျွန်း အရောက်မှာ စစ်ကောင်စီ နေဗီရဲ့ ဖမ်းဆီးတာကို ခံလိုက်ရတာဖြစ်တယ်လို့ဆိုပါတယ်။
အဲဒီလို တစ်ပတ်ကြာ စစ်ဆေးပြီးနောက် ပြီးခဲ့တဲ့ ဇန်နဝါရီလ ၆ ရက်နေ့ညနေမှာတော့ စစ်ကောင်စီရေတပ်က ဒေသခပြည်သူတွေ နဲ့ အစိုးရဝန်းထမ်းတွေ ဖြစ်နေတဲ့ အတွက်ပြန်လွတ်ပေးခဲ့ပြီးဖြစ်တယ်လို့ မာန်အောင်ဒေသခံ တစ်ဉီးက ပြောပါတယ်။
“ကျမတို့ကို ဒီဇင်ဘာ ၂၉ မှာ ကိုယ့်မာန်အောင်ကနေ ထွက်လာပါ။ဖမ်းခံရတာကတော် ၁ ရက်နေ့မှာ ဖမ်းခံရတာပေါ့ အဓိကတော့ သင်္ဘေကကုန်တင်ခွင့်ပဲတောင်းထားတယ် လူတင်ခွင့်ကို မတောင်းထားဘူး ။အဲဒီမှာ လူတွေကို တွေ့တဲ့အခါ ဖမ်းခံရတာ။လိုက်ပါလာတာကတော့ မာန်အောင် နဲ့ တောင်ကုတ်က ဝန်းထမ်းတွေ နဲ့ နေမကောင်းတဲ့ သူတွေ များတယ်ပေါ့။အဲဒါကို သူတို့ အထက်ကို တင်ပြပြီးတော့ စစ်ဆေးပြီးတော့ အခုလို ပြန်လွတ်ပေးလိုက်တာ။တစ်ယောက်မှတော့ မဖမ်းထားလိုက်ဘူးလို့”သူကဆိုပါတယ်။
အဲဒီသင်္ဘောပေါ်လိုက်ပါလာတဲ့ မာန်အောင်ဒေသခံ တစ်ဦးကို ရန်ကုန်အရောက် သင်္ဘောစရိတ် ၄၀၀၀၀၀စီပေးရပြီး တောင်ကုတ်ကနေ လိုက်ပါလာသူ တစ်ဦကို ၇၀၀၀၀၀စီ ပေးဆောင်ကာ လိုက်ပါလာကြရတယ်လို့ ဆိုပါတယ်။
ဒါပေမယ့် ရေယာဉ်ပိုင်ရှင်တွေက ကုန်တင်ခွင့်သာ စစ်ကောင်စီဆီမှာ ကုန်တင်ခွင့်တာတောင်းခံသာပြီး လူတင်ခွင့် တောင်းခံထားတာ မရှိတဲ့ အတွက် အခုလို ဖမ်းဆီးခံခဲ့ရတာဖြစ်တယ်လို့ နောက်ထပ် သင်္ဘောပေါ်မှာလိုက်ပါလာတဲ့ မာန်အောင်ဒေသခံ တစ်ဦးကပြောပါတယ်။
“သင်္ဘောလက်မှတ်ကောက်တာက မာန်အောင်က ကိုပေါက်စီတို့ကောက်တာ သူတို့က မရှင်းမရှင်းလုပ်လို အခုလို ကျနော်တို့ကို အဖမ်းခံရတာ သူတို့က ကုန်တင်ခွင့်တောင်းပြီး လူတင်တော့ ဖမ်းခံရတာဖြစ်တယ် တော်သေးတယ် ကျနော်တို့ အဖမ်းမခံခဲ့ရလို့။အခုတော့ အေးအေးဆေးဆေး နဲ့ ထွက်လာနေရပြီ ရန်ကုန်ကိုလည်း ရောက်ခါနီပြီလို့ သိရတယ်လို့”သူကပြောပါတယ်။
ရခိုင်မှာ တကျော့ပြန်တိုက်ပွဲစတင်ချိန်ကတည်းကပင် စစ်ကောင်စီဟာ မာန်အောင်- တောင်ကုတ်ပြေးဆွေးနေတဲ့ ရေကြောင်းလိုင်းတွေကို ပိတ်ဆို့တားမြစ်လိုက်တဲ့အပြင် မာန်အောင်မြို့နယ် အတွင်းသို့ ကုန်ပစ္စည်းသယ်ယူခွင့်တွေ နဲ့ ဆေးဝါးသယ်ယူခွင့်တွေကိုပါ စစ်ကောင်စီက တားမြစ် ခံထားရတဲ့ မြို့နယ် တစ်ခုလည်းဖြစ်ပါတယ်။
