စစ်ကောင်စီတပ်တွေ နဲ့ အာရက္ခတပ်တော် အေအေတို့ နှစ်ဖက် တိုက်ပွဲ ပြင်းထန်နေတဲ့ သံတွဲမြို့မှာ ပြီးခဲ့တဲ့ ရက်ပိုင်းက မိုးအဆမတန်ရွာသွန်းခဲ့တာကြောင့် ဇူလိုင်လ ၂၅ ရက်နေ့မှာ သံတွဲမြို့ပေါ်ရပ်ကွက် အပါအဝင် ကျေးရွာ အများစုဟာ ရေနစ်မြုပ်တာတွေကို ခံစားခဲ့ကြရပါတယ်။
သံတွဲမြို့အတွင်းက ပြည်သူတွေဟာ သံတွဲမြို့နယ် အတွင်းမှာ စစ်ကောင်စီတပ်တွေ နဲ့ အာရက္ခတပ်တော် အေအေတို့ ရဲ့ နှစ်ဖက်တိုက်ပွဲ ပြင်းထန်နေတာတွေကြောင့် အိုးအိမ်စွန့်ခွါကာ ဘေးလွတ်ရာနေရာတွေကို ထွက် ပြေးနေကြရပါတယ်။
အဲဒီလို ပြည်သူတွေ စစ်ဘေးရှောင် ထွက်ပြေးနေရချိန်မှာ မြို့တစ်ခုလုံးကို ရေနစ်မြုပ်မှု ဖြစ်ပွါးခဲ့တာကြောင့် စစ်ရှောင်တွေ နေအိမ်အတွင်းမှာ ကျန်နေခဲ့တဲ့ ပစ္စည်း အများအပြားဟာ နေရာ ပြောင်းရွေ့တာ မလုပ်ဆောင်လိုက်ရတဲ့အတွက် နှစ်တိုင်းထက်ပျက်စီးမှု အခြေအနေထက် ဒီနှစ် ပျက်စီးမှုအခြေအနေဟာ များစွားရှိခဲ့တယ်လို့ သံတွဲ မြို့ခံ တစ်ဦးက ပြောပါတယ်။
“ဒီနှစ်ရေကြီးမှု အခြေအနေက နှစ်တိုင်းထက် ပျက်စီးမှု ၅ ဆလောက်ရှိခဲ့တယ်။လူတွေက စစ်ဘေးရှောင်ထွက် တော့ မပြောင်းလိုက်ရတဲ့ ပစ္စည်းတွေ အကုန်ကျန်ခဲ့တယ်။ပြီးတော့ ရက်အကြာကြီး ရေနစ်မြုပ်နေတော့ ပျက်စီးမှု က နှစ်စဉ်နှစ်တိုင်းထက်ပျက်စီးမှုပိုများတယ်လို့”သူကပြောပါတယ်။
သံတွဲမြို့နယ် အတွင်းက အံတော် ၊ ဒွါရာဝတီမြို့သစ် ၊နံတော်ပြင် ၊မီးစက်ပိုင်း ၊ရွှေကျောင်းပြင် ၊ ကင်းမော်၊လက်ပံ စု ၊ဇီးကျွန်းကွက်သစ် အပါအဝင် ကျေး ရွာ အများစုဟာ ရေနစ်မြုပ် ခဲ့ရပြီး အိမ်တွင်း ပစ္စည်းတွေ အပြင် ထွန်ယက်စိုက်ပျိုးထားတဲ့ လယ်ယာမြေတွေလည်း များစွာပျက်စီးခဲ့တာတွေလည်း ရှိခဲ့တယ်လို့ ဆိုပါတယ်။
အဲဒီလို ပျက်စီးသွားတဲ့ လယ်ယာမြေတွေကို တောင်သူတွေ အနေ နဲ့ အစားထိုးစိုက်ပျိုးနိုင်ဖို့ အခက်အခဲတွေ နဲ့ ရင်ဆိုင်နေကြရတယ်လို့လည်း ကင်းမော်ကျေးရွာဒေသခံတောင်သူ တစ်ဦးကပြောပါတယ်။
“လယ်ကတော့ အများလည်း လုပ်ကြတာတော့ မဟုတ်ဘူး။ဒါပေမယ့်အခုက လယ်ယာထွန်ယက် စိုက်ပျိုးဖို့က မလွယ်ဘူး စိုက်ထားတဲ့ လယ်ယာတော် တော် များများကတော့ ပျက်သွားတယ် ရွံ့တွေ နဲ့ဖုံးပြီးတော့ ပျက်သွားတာတမျိုး အမျိုးမျိုးပဲ မျိုးစပါးတွေလည်း ရေနစ်မြုပ်သွားတော့ ပြန်စိုက်ပျိုးဖို့ အတွက်က မလွယ်ဘူး ဖြစ်သွားတယ်လို့” သူကပြောပါတယ်။သံတွဲမြို့နယ်ဟာ မိုးရာသီးရောက်ရင် နှစ်စဉ်နှစ်တိုင်း ရေကြီးတဲ့ ဒဏ်ကို ခံစားနေရတဲ့ မြို့တစ်မြို့ ဖြစ်ပေမယ့် နှစ်စဉ် ရေနစ်ပျက်စီးမှု အခြေဟာ ဒီနှစ်ပျက်စီးမှု အခြေအနေလောက်ဆိုးရွားခဲ့တာမရှိခဲ့ဘူးလို့ လည်းဒေသခံ တွေကပြောပါတယ်။
