ပြီးခဲ့တဲ့ စက်တင်ဘာလ ဒုတိယအပတ်မှာ မိုအမတန် ရွာသွန်းခဲ့တာကြောင့် မင်းပြားမြို့ ဖုံသာချောင်းအနီးမှာ ရှိတဲ့ ကျေးမကြီး၊ကြွီချောင်း၊ပြင်ဝ၊သရက်အုပ်၊င/လင်ကြီး၊နတ်ထောက် (ရွာသစ်/ရွာဟောင်း)၊အောက်ခချီး(အထက်/အောက်)ကျေးမကြီး၊ကိုင်းကြီး၊ကျေးမချေ နဲ့ ရွာသာယာ စတဲ့ ကျေးရွာတွေဟာ ရေဘေးဒဏ်ကို ခံခဲ့ရသလို နေအိမ်တွေလည်း ပျက်စီးသွားခဲ့ရပါတယ်။
အဲဒီရေဘေးဒဏ်ကို ခံခဲ့ရတဲ့ ကျေးရွာတွေ ရဲ့ဒေသခံ တွေဟာ ချင်းလူမျိုးတွေ ဖြစ်ကြပြီး အဲဒီကျေးရွာတွေ မှာ ရှိနေကြတဲ့ ဒေသခံ ပြည်သူတွေဟာ စားဝတ်နေရေး နဲ့ ပြန်လည်ထူထောင်ရေး အတွက် အကူအညီတွေ လိုအပ်နေတာကြောင့် ရခိုင် လူမှု အဖွဲ့အစည်းတွေ ဖြစ်ကြတဲ့ စိတ္တရလူငယ်အသင်း၊ ကုလရက္ခိတကွန်ယက် နဲ့ လေဝတီမျိုးချစ်လူငယ်အသင်းတို့က ဦးဆောင် ကာ စားနပ်ရိက္ခာ နဲ့ လိုအပ်တဲ့ ထောက်ပံ့ ပစ္စည်းတွေကို လှူဒါန်းပေးခဲ့တယ်လို့ စိတ္တရလူငယ်အသင်း တာဝန်ရှိသူတွေက ပြောပါတယ်။
လက်ရှိမှာလည်း အဲဒီဒေသအတွင်းက လူနေအိမ်တွေ ပျက်စီးသွားတဲ့ ပြည်သူတွေအနေ နဲ့ အိမ်ပြန်လည်တည်ဆောက်နိုင်ဖို့ အတွက် အထောက်အပံ့များစွာ လိုအပ်နေသေးတယ်လို့လည်း လူမှုအဖွဲ့ အစည်းတွေကပြောပါတယ်။
