မြေငလျင်ဒဏ်ကို ပြင်းပြင်းထန်ထန်ခံစားခဲ့ရတဲ့ မြန်မာနိုင်ငံကို ကူညီမှုတွေ လုပ်ဆောင်သွားမယ်လို အိမ်ဖြူတော်မှာ ပြုလုပ်ခဲ့တဲ့ သတင်းစာရှင်းလင်းပွဲမှာ သတင်းထောက် တစ်ယောက်ရဲ့ မေးမြန်းမှုကို အမေရိကန် သမ္မတ ဒေါ်နယ် ထရမ့်က ပြောဆိုလိုက်ပါတယ်။
မြေငလျင် လှုပ်ခတ်မှု သတင်းကို သိရှိကြောင်း နဲ့ တာဝန်ရှိသူတွေနဲ့ စကားပြောဆိုခဲ့ပြီးပြီ ဖြစ်တယ်လို အမေရိကန် သမ္မတ ဒေါ်နယ် ထရမ့်က ပြောဆိုလိုက်ပါတယ်။
ဒါပေမယ့် အမေရိကန် သမ္မတ ဒေါ်နယ် ထရမ့် အနေ နဲ့ ဘယ်တာဝန်ရှိသူတွေ နဲ့ ပြောဆိုထားတာကိုတော့ ထည့်သွင်းပြောဆိုတာ မတွေ့ရပါဘူး။
စစ်ခေါင်းဆောင် မင်းအောင်လှိုင်ကလည်း ဒုက္ခရောက်နေတဲ့ ငလျင်ဒဏ်သင့်ပြည်သူတွေကို နိုင်ငံတကာ အသိုင်းအဝိုင် အနေ နဲ့ ကူညီပေးကြဖို တောင်းဆိုထားပါတယ်။
မြန်မာနိုင်ငံအတွင်းမှာ လတ်တလောအရ သေဆုံးသူ ဦးရေဟာ ၁၄၄ ဦး နဲ့ ဒဏ်ရာရသူ ၇၃၂ ဦးရှိနေပြီး လတ်တလောမှာ ကူညီကယ်ဆယ်ရေးတွေ လုပ်ဆောင်နေတဲ့ အခြေအနေမှာ ရှိပြီး သေဆုံး ဒဏ်ရာရသူ ဦးရေဟာ ထပ်တိုးလာနိုင်တယ်လိုလည်း စစ်ခေါင်းဆောင် မင်းအောင်လှိင်က ပြောဆိုထားပါတယ်။
