မြန်မာနိုင်ငံ အတွင်းမှာ ငလျင်လှုပ်ခတ်တဲ့ နေ့က စတင်ပြီးတော့ တစ်ရက်မပျက် တိုင်းရင်းသားဒေသတွေကို လေကြောင်းက ဗုံးကြဲတိုက်ခိုက်တာတွေ လုပ်ဆောင်နေနိုင်တဲ့ စစ်ကောင်စီက ငလျင်ကယ်ဆယ်ရေးလုပ်ငန်းတွေ ကို လုပ်ဆောင်ပေးနိုင်ဖို့ အတွက် ဦးထုပ်နဲ့ လက်အိတ်တွေလိုအပ်နေတယ်လို့ စစ်ကောင်စီက နိုင်ငံတကာ အသိုင်းအဝိုင်းကို အကူအညီပေးဖို့ တောင်းဆိုလိုက်ပါတယ်။
အဲဒီလို အကူအညီတောင်းဆိုမှုကို စစ်ကောင်စီပြောခွင့်ရ ဇော်မင်းထွန်းက မတ်လ ၃၁ ရက်နေ့မှာ နိုင်ငံပိုင်သတင်းဌာန ဖြစ်တဲ့ MRTV သတင်းဌာနကနေတဆင့် ပြောဆိုလာခဲ့တာလည်း ဖြစ်ပါ်တယ်။
စစ်ကောင်စီ ပြောခွင့်ရ ဇော်မင်းထွန်း ပြေဆိုတာက “အားလုံးကြည့်လိုက်ပါ၊ ယူနီဖောင်းတွေဝတ်ထားတယ်၊ တတ်နိုင်တဲ့ အကာအကွယ်တွေဝတ်ထားပေမဲ့ ပြိုကျနေတဲ့ မာကျောတဲ့အင်္ဂတေတွေ၊ အုတ်တွေ၊ သံချောင်းတွေ ဖယ်ထုတ်နေတာ မြင်မှာပါ။ သူတို့လက်မှာ ဘာလက်အိတ်မှ စွပ်ထားတာ မတွေ့ရပါဘူး။ အကာအကွယ် ဦးထုပ် မပါပါဘူး။ ဒါနဲ့ပတ်သက်ပြီး နိုင်ငံတကာကလည်း တတ်နိုင်သမျှ ကူညီပေးပါ အကာအကွယ်ဦးထုပ်၊အကာအကွယ်မျက်မှန်၊အကာအကွယ်လက်အိတ်တွေလိုအပ်ပါတယ်လှူနေတဲ့ အလှူတွေအပေါ်မှာ ကန့်သတ်တာမဟုတတ်ပါဘူးတကယ်လိုအပ်တာကို ကျနော်က ပြောဆိုခြင်းဖြစ်ပါတယ်”လို့ သူက ပြောဆိုပါတယ်။
ဒါ့အပြင် ငလျင်ကြောင့်ပျက်စီးခဲ့ရတဲ့ လမ်း၊ တံတား၊ အဆောက်အအုံများစွာဟာလည်း ပျက်စီးခဲ့ရပြီးတော့ ပြန်လည်ထူထောင်ရေး လုပ်ငန်းတွေ လုပ်ဆောင်တဲ့ နေရာတွေ မှာလည်း အကူအညီတွေ ပေးဖို့ လိုအပ်တယ်လို့လည်း စစ်ကောင်စီပြေခွင့်ရ ဇော်မင်းထွန်းက ဆိုပါတယ်။
တစ်ဖက်မှာလည်း စစ်ကောင်စီဟာ ဒီငလျင် လှုပ်ခတ်ခဲ့တဲ့ နေ့ကစတင်က လေကြောင်းက ဗုံးကြဲတိုက်ခိုက်တာတွေကို ဆက်တိုက်လုပ်ဆောင်နေတာတွေကို အမြဲလုပ်ဆောင်နေတဦ ရှိပြီး လက်ရှိ ငလျင်ကယ်ဆယ်ရေးလုပ်ငန်းတွေ ကို လုပ်ဆောင်ပေးနိုင်ဖို့ အတွက် ဦးထုပ်နဲ့ လက်အိတ်တွေလိုအပ်နေတယ်လို့ နိုင်ငံတကာကို ကူညီပေးကြဖို့ စစ်ကောင်စီပြောခွင့်ရ ဖော်မင်းထွန်းပြောဆိုမှုအပေါ်မှာ ပဲခူးတိုင်း စစ်အာဏာရှင် တော်လှန်ရေးအင်အားစု ရဲဘော် ကိုဇေယျာ ( ကြို့ပင်ကောက်မြို့နယ်) သုံးသပ်ပြောဆိုတာက
“ဒီစစ်ကောင်စီပြောခွင့်ရ ဇော်မင်းထွန်းပြောသလို ကူညီကယ်ဆယ်ရေး လုပ်တဲ့ လူတိုင်းကတော့ ဒီအကာအကွယ်ပစ္စည်းတွေ လိုအပ်ပါတယ်။စစ်ကောင်စီကမှ လိုတာတော့ မဟုတ်ပါဘူး။အခုဒီငလျင်ကို တည့်တည့်ကြီးရင်ဆိုင်သွားရတဲ့ ဒေသတွေကို စစ်ကောင်စီက ဘာတွေ ကူညီပေးနိုင်ပြီလဲ အခုလည်း နိုင်ငံတကာက ပေးလာတဲ့ ပစ္စည်းတွေကို တကယ့် ပြည်သူတွေကို လက်ကိုရောက်အောင် ဘယ်လို ပေးမလဲ ဒီကိစ္စကို တော်တော် အရေးကြီးတယ် ။ ကျနော်တို့ နာဂစ်တုန်းကလည်း ကြုံခဲ့ရပြီးပြီ နိုင်ငံတကာကပေးတဲ့ ပစ္စည်းတွေကို စေ◌ျးကွက်တွေမှာရောင်းတာ စစ်တပ်အဖွဲ့အစည်းတွေ သုံးတဲ့နေရာမှာ သုံးတာတွေကို”လို့ သူကပြောပါတယ်။
ဒါ့အပြင် လက်ရှိ တိုင်းရင်းသားဒေသတွေမှာ နေ့စဉ်လိုလိုဗုံးကြဲနေတဲ့ စစ်ကောင်စီက သဘာ၀ဘေးကာကွယ်ရေးအတွက် လက်အိတ်နဲ့ ဦးထုပ်လို အခြေခံအသုံးအဆောင်တွေတောင် အလုံအလောက်မရှိဘူးလို့ ပြောဆိုပြီးတော့ နိုင်ငံတကာဆီမှာ လိုက်လံအကူအညီတောင်းခံနေတာဟာ အလွန်တရာ ရုပ်ဆိုးအကျည်းတန်တဲ့ ကိစ္စရပ်တစ်ခုလည်း ဖြစ်တယ်လို့ သုံးသပ်ပြောဆိုတာတွေလည်း ရှိနေကြပါတယ်။
