Home သတင်း တရုတ်က ငလျင်အတွက် ထောက်ပံ့ရေးပစ္စည်း တင်လာတဲ့ ကားတွေကို စစ်ကောင်စီတပ်က ပစ်ခတ်တိုက်ခိုက်

တရုတ်က ငလျင်အတွက် ထောက်ပံ့ရေးပစ္စည်း တင်လာတဲ့ ကားတွေကို စစ်ကောင်စီတပ်က ပစ်ခတ်တိုက်ခိုက်

2
0

တရုတ်နိုင်ငံကြက်ခြေနီအသင်းက မြန်မာနိုင်ငံ ငလျင်ဘေးသင့်ပြည်သူတွေအတွက်ထောက်ပံ့ရေးပစ္စည်းတွေတင်ဆောင်ကာ လာတဲ့ကား ၉ စီးကို စစ်ကောင်စီတပ်တွေက စက်သေနတ်တွေ နဲ့ ပစ်ခတ်တိုက်ခိုက်တာ လုပ်ဆောင်ခဲ့တယ်လို့ TNLA ကသတင်းထုတ်ပြန်လာပါတယ်။

အဲဒီ ငလျင်ဘေးသင့်ပြည်သူတွေအတွက် ထောက်ပံ့ရေး ပစ္စည်းတွေကို ကား ၉ စီးနဲ့ တင်ပြီးတော့ ငလျင်ဘေးသင့်ခဲ့တဲ့ နေရာတွေဖြစ်တဲ့ မန္တလေးမြို့ကိုခရီးဆက်ချိန် နောင်ချိုမြို့နယ် အုမ္မတီးကျေးရွာ အနီးမှာ စစ်ကောင်စီတပ် တွေရဲ့ ပစ်ခတ်တိုက်ခိုက်တာကို ခံခဲ့ရတာလည်းဖြစ်တယ်လို့ဆိုပါတယ်။

လက်ရှိပစ်ခတ်တိုက်ခိုက်ခံရတဲ့ ယာဥ်တန်းဟာ မန္တလေးမြို့ကို ခရီးဆက်သွားမည့်အကြောင်းကိုလည်း စစ်ကောင်စီဆီကို သတင်းပေးပို့ထားခဲ့ပြီး ဖြစ်ပေမယ့်လည်း စစ်ကောင်စီတပ်တွေက အခုလို ပစ်ခတ်တိုက်တာကိုလုပ်ဆောင်ခဲ့တာဖြစ်တယ်လို့လည်း ဆိုပါတယ်။

အဲဒီလိုပစ်ခတ်တိုက်ခိုက်ခံခဲ့ရတဲ့အတွက် ငလျင်ဘေးသင့်ပြည်သူတွေ အ တွက် ကူညီရေးပစ္စည်းတွေတင်ဆောင်လာတဲ့ ကား ၉ စီးဟာ နောင်ချိုမြို့သကို ပြည်လည်ဆုတ်ခွာ လာခဲ့ရပြီး TNLA က ကာကွယ်စောင့်ရှောက်မှုတွေ ပေးထားတယ်လို့လည်း ဆိုထားပါတယ်။

ဒါ့အပြင် တရုတ်နိုင်ငံကြက်ခြေနီအသင်းကနေပြီးတော့ မြန်မာနိုင်ငံ ငလျင်ဘေးသင့်ပြည်သူများအတွက် ထောက်ပံ့ရေးပစ္စည်းများ တွေကိုလည်း တအာင်းတပ်မတော် TNLA နဲ့ လိုရာခရီးကို ဆက်လက်ပို့ဆောင်နိုင်ဖို့အတွက် လုပ်ဆောင်ပေးသွားမှာ ဖြစ်တယ်လို့လည်း ထုတ်ပြန်ပြောဆိုထားပါတယ်။

LEAVE A REPLY

Please enter your comment!
Please enter your name here