ပြီးခဲ့တဲ့ မတ်လ ၂၈ ရက်နေ့က လှုပ်ခတ်ခဲ့တဲ့ ၇.၇ အင်အားပြင်း ငလျင်ကြောင့် နိုင်ငံတဝန်း သေဆုံးသူ ဦးရေဟာ ၂၈၈၆ ဦးအထိရှိလာနေပြီးဖြစ်တယ်လို့ စစ်ကောင်စီ ဒီနေ့ နေ့လယ်မှာ သတင်းထုတ်ပြန်လာပါတယ်။
စစ်ကောင်စီရဲ့ ထုတ်ပြန်ချက်မှာ နိုင်ငံတဝန်း သေဆုံးသူ ဦးရေဟာ ၂၈၈၆ ဦးရှိပြီးတော့ ဒဏ်ရာရသူကတော့ ၄၆၃၉ ဦးနဲ့ ပျောက်ဆုံးနေသူ ၃၇၃ ဦးရှိနေတယ်လို့ဆိုထားပါတယ်။
ဒါ့အပြင် လက်ရှိမှာလည်းရှာဖွေကယ်ဆယ်ရေးလုပ်ငန်းတွေကိုဆက်လက်လုပ်ကိုင်တာတွေ ရှိနေသေးတာကြောင့် သေဆုံး ဒဏ်ရာရသူ ဦးရေဟာ ဒီထက်ပိုများလာနိုင်တယ်လို့လည်း ဆိုထားပါတယ်။
ဒီ အင်အားပြင်းငလျင်ကြောင့် နေပြည်တော်၊ မန္တလေး၊ စစ်ကိုင်းနဲ့ ရှမ်းပြည်နယ်တောင်ပိုင်းဒေသတွေမှာ လူအများအပြား သေဆုံးဒဏ်ရာရခဲ့ကြရသလို လူနေအိမ် နဲ့ အဆောက်အဦး လမ်းတံတားများစွာဟာလည်း ပျက်စီးသွားခဲ့ရတာလည်း ဖြစ်ပါတယ်။
