CNA၊မြတ်သူ။
ဖေဖော်ဝါရီလ ၊ ၇။
ဂွမြို့၊ကျိန္တလီမြို့နယ်အတွင်းမှာရှိတဲ့ ကန့်ကော်တောင်ကျေးရွာကို စစ်ကောင် စီက ဗုံးကြဲတိုက်ခိုက်ခဲ့တာကြောင့် ကျေးရွာအတွင်းက ဘုန်းတော်ကြီးကျောင်း အပါအဝင် နေအိမ် ၇ ဆောင်ပျက်စီးသွားခဲ့ရတယ်လို့ ဒေသခံ တွေက ပြောပါတယ်။
အဲဒီကန့်ကော်တောင်ရွာကို စစ်ကောင်စီဟာ ဖေဖော်ဝါရီလ ၄ ရက်နေ့ ညနေ ၄ နာရီကျော်လောက်မှာ လေကြောင်းကနေတဆင့် ဗုံးကြဲတိုက်ခိုက်ခဲ့တာလည်း ဖြစ်ပါတယ်။
ဒီတိုက်ခိုက်မှုအတွင်းမှာ ဒေသခံ ပြည်သူတွေ ထိခိုက်မှု မရှိခဲ့ပေမယ့် ကျေးရွာအတွင်းက ဘုန်းတော်ကြီးကျောင်း နဲ့ နေအိမ် ၇ ဆောင်ပျက်စီးသွားခဲ့ရတာဖြစ်တယ်လို့ ဒေသခံတစ်ဦးကပြောပါတယ်။
“လေးရက်နေ့ ညနေ ၄ နာရီကျော်လောက်မှာ တိုက်ခိုက်ခံရတာပါ။လူကတော့ ထိခိုက်မှုမရှိဘူး။နေအိမ် ၇ ဆောင် နဲ့ ဘုန်းတော်ကြီးကျောင်းကတော့တော် တော်ပျက်စီးသွားတယ်။ကျောင်းတွင်းကလည်း ဘုရားပုထိုးတွေ ပျက်စီးသွားတယ်။ဘာမှမဖြစ်ပဲ တမင်သက်သက်တိုက်ခိုက်တာ ဖြစ်တယ်။စစ်ကောင်စီက အခုလိုအမြဲတိုက်ခိုက်လေ့ရှိတာကိုလို့”သူကပြောပါတယ်။
အာရက္ခတပ်တော် အေအေဟာ ဂွမြို့ နဲ့ ကျိန္တလီမြို့တစ်ခုလုံကို ပြီးခဲ့တဲ့ ၂၀၂၄ ခုနှစ် ဒီဇင်ဘာလ အတွင်းမှာ အပြီးသတ်သိမ်းပိုက်ရရှိထားပြီးဖြစ်တဲ့ မြို့တစ်ခုလည်းဖြစ်ပါတယ်။
ဒါပေမယ့်စစ်ကောင်စီဟာ ဂွမြို့ နဲ့ ကျိန္တလီမြို့တွေမှာ ဒေသခံ ပြည်သူတွေ နေထိုင်လို့ မရအောင် လေကြောင်းတိုက်ခိုက်တာကို မကြာခဏဆိုသလို လုပ်ဆောင်နေတာကြောင့် ပြည်သူတွေ ထိခိုက်သေဆုံးတာ နဲ့ နေအိမ်အပါအဝင် သာသနိကအဆောက်အဦးတွေ ပျက်စီးတာတွေလည်း များစွာရှိလာနေပါတယ်။
