အမ်းမြို့မှာ နောက်ဆုံးသိမ်းပိုက်ဖို့ ကျန်နေသေးတဲ့ စစ်ကောင်စီရဲ့ တပ်စခန်း ဌာနချုပ်ဖြစ်တဲ့ နပခ အတွင်းမှာ ရှိနေတဲ့ ရာနဲ့ချီတဲ့ စစ်ကောင်စီတပ်ဖွဲ့ဝင်တွေဟာ အာရက္ခတပ်တော် ဆီမှာ ထပ်မံအလံဖြူထောင် လက်နက်ချတဲ့ သူတွေ ရှိနေတဲ့ တာကို ဒီဇင်ဘာလ ၁၇ ရက်နေ့မှာလည်း ရုပ်သံ နဲ့ တကွ သတင်း ထုတ်ပြန်လာပါတယ်။
ပြီးခဲ့တဲ့ ဒီဇင်ဘာလ ၁၆ ရက်နေ့မှာလည်း ရာနဲ့ ချီတဲ့ စစ်ကောင်စီတပ်သားတွေ အာရက္ခတပ်တော် ဆီမှာ လက်နက်ချ အညံ့ခံခဲ့တဲ့ ရုပ်သံဖိုင်းတစ်ခုကို အာရက္ခတပ်တော်က ထုတ်လွှင့်ခဲ့ပါတယ်။
ဒါ့အပြင် စစ်ကောင်စီတပ်တွေ အနေ နဲ့ မြန်မြန်အလံဖြူထောင်ရင် စောစော အသက်ရှင်ခွင့်ရမှာဖြစ်ပြီး မိသားစု ဆွေမျိုးတွေ နဲ့လည်း မြန်မြန်တွေ့ခွင့် ရမှာဖြစ်တယ်လို့ ပြောဆိုထားပါတယ်။
ဒီဇင်ဘာလ ၁၇ ရက်နေ့ ရုပ်သံမှာတော့ အမ်းနပခ ထဲမှာရှိနေတဲ့ အဆောက်အဦးတချို့ မီးလောင်ပျက်စီးမှုရှိနေတာကိုလည်း အာရက္ခတပ်တော်က ဒရုန်း နဲ့ ရိုက်ပြထားတာကို တွေ့ရပါတယ်။
ဒီလို ဒရုန်း နဲ့ ရိုက်ပြထားတာကို ကြည့်ရခြင်းအားဖြင့် အဲဒီ နပခ အထဲမှာတပ်ဆင်ထားတဲ့ ဒရုန်းဖြတ်စက်(ဂျန်မာ)စက်တွေဟာ အလုပ်မလုပ်တော့ဘူးဆိုတာကိုလည်း သိသာ ထင်ရှားမှုမြင်တွေ့ရမှာဖြစ်ပါတယ်။
လက်ရှိကျန်နေသေးတဲ့နပခ ဟာအာရက္ခတပ်တော်က အမ်းမြို့တစ်ခုလုံးကို အပြီးသတ်သိမ်း ပိုက်နိုင်ဖို့အတွက် နောက်ဆုံးကျန်ရှိနေသေးတဲ့ စစ်ကောင်စီတပ်စခန်း တစ်ခုလည်း ဖြစ်ပါတယ်။
(၂၀၂၄ ခုနှစ်၊ ဒီဇင်ဘာလ (၁၇) ရက်နေ့ အမ်းမြို့နယ်၊ အနောက်ပိုင်းတိုင်းစစ်ဌာနချုပ် (နပခ) ၏ ပကတိ မြေပြင်အခြေအနေ)
